එක්සත් ජනපද පාලක පන්තිය පාසල් නැවත විවෘත කිරීමට කරන ඉල්ලීම මාරාන්තිකයි

21 ජූලි 2020

මෙම ලිපිය ජූලි 13 දින ඉංග්‍රීසි භාෂාවෙන් පලවින.

පසුගිය සිකුරාදා එක්සත් ජනපදය නව කොවිඩ්-19 රෝගීන් සඳහා 71,787ක  එක් දින වාර්තාවක් වාර්තා තැබී ය. ඉරිදා, ෆ්ලොරිඩාවෙන්, රෝගීන් 15,300 ක් වු ඕනෑ ම ප්‍රාන්තයකින් එක් දිනකදී වාර්තා වූ වැඩිම රෝගීන් සංඛ්‍යාව වාර්තා විය. ප්‍රාන්ත 46 ක දිනපතා වාර්තා වන රෝගීන් සංඛ්‍යාව ඉහල යමින් පවතින අතර දෛනික මරන සංඛ්‍යාව යලිත් ඉහල යන්නේ, පසුගිය සතිය තුල සෑම දිනකම 1,000 කට ආසන්න සංඛ්‍යාවක් වාර්තා කිරීම සමගිනි.

මෙම ව්‍යසනය ට්‍රම්ප් පරිපාලනය විසින් මෙහෙයවන ලද ව්‍යාපාරයේ ප්‍රතිඵලය වන නමුත්, වසංගතය මැඩපැවැත්වීම සඳහා කිසිදු බැරෑරුම් උත්සාහයකින් තොරව කම්කරුවන්ට කර්මාන්තශාලා හා සේවා ස්ථාන වෙත ආපසු යාමට බල කිරීම සඳහා සමස්ත දේශපාලන සංස්ථාපිතය විසින් ම සහාය දෙන ලදී.

කොවිඩ්-19 පුපුරන සුලු ව්‍යාප්තියේ කොන්දේසි යටතේ, පාසල් නැවත විවෘත කිරීමේ තල්ලුව, සංගත  ලාභ වෙනුවෙන් ජීවිත කැප කරන පන්ති යුද්ධයේ දැනුවත්, ද්විපාර්ශ්වික ප්‍රතිපත්තියේ ප්‍රධාන අංගයකි.

2020 ජුනි 10 වන දින නිව් ජර්සි හි ජර්සි නගරයේ බ්‍රැඩ්ෆර්ඩ් පාසල ඉදිරිපිට පියෙකු තම දරුවාට මුඛ ආවරනය පැලඳ ගැනීමට උදව් කරයි (AP ඡායාරූපය / සෙත් වෙනිග්, ගොනුව)

වෙනත් ඕනෑම රටකට වඩා ඇමරිකානු පාලක පන්තියට මිනිස් ජීවිතය ගැන තැකීමක් නැත. එහි මිනීමැරු ආපසු වැඩට යාමේ ප්‍රතිපත්තියට පහසුකම් සැලසීම සඳහා ගනන් නැති සිසුන්ගේ හා ගුරුවරුන්ගේ ජීවිත පරිත්‍යාග කිරීමට එය සූදානම් ය. සංගත වලට ලාභ උපයා දිය හැකි වන සේ දෙමාපියන් අනාරක්ෂිත කම්හල්වල ආපසු වැඩට යැවීමට නම් ලමයින් අනාරක්ෂිත පාසල්වලට ගාල් කල යුතු ය.

මෙම සන්දර්භය තුල, ඩෙමොක්‍රටික් පක්ෂය හා ඩිමොක්‍රටිකයින් සමඟ මිත්‍ර  මූල්‍ය කතිපයාධිකාරයේ කොටස් වෙනුවෙන් කතා කරන නිව් යෝක් ටයිම්ස් පුවත්පත, පාසල් නැවත විවෘත කිරීමට තල්ලු කිරීමේ දී ඩොනල්ඩ් ට්‍රම්ප් සමඟ අත්වැල් බැඳ ගත්තේ, “පාසැල් යලි විවෘත කිරීම විශාල කර්තව්‍යක් වනු ඇත. එය කල යුතු ය” නමින් සති අන්තයේ ප්‍රසිද්ධ කල කතුවැකියක් සමගිනි.

මාර්තු මාසයේ දී, ටයිම්ස් හි ප්‍රමුඛ තීරු රචක තෝමස් ෆ්‍රීඩ්මන් ට්‍රම්ප් විසින් ආර්ථිකය නැවත විවෘත කිරීම සාධාරනීකරනය කිරීම සඳහා භාවිතා කරන ලද “ප්‍රතිකාරය රෝගයට වඩා නරක විය නොහැක.” යන වාක්‍ය ඛන්ඩය වාත්තු කලේ ය. දැන් එම  පුවත්පත  පාලක ප්‍රභූ පැලැන්තියේ පන්ති යුද ප්‍රතිපත්ති සඳහා සුජාතකත්වය සැපයීමේ වෑයම උත්සන්න කරමින් සිටී. 

කතුවැකිය ආරම්භ වන්නේ, “ඇමරිකානු දරුවන්ට සරත් කාලයේ රජයේ පාසල් යලි විවෘත කිරීම අවශ්‍ය වේ. ඔවුන්ට ආහාර හා මිත්‍රත්වයන් ; පොත් හා පැසිපන්දු පිට්ටනි; පවුලෙන් ඈත්ව කාලය සහ එය ගත කිරීමට ආරක්ෂිත ස්ථානයක් අවශ්‍ය” බව පවසමින

මෙය නවීනතම දෙයකි. මවුපියන්, ආච්චිලා සීයලා හෝ ගුරුවරයා වසංගතයට ගොදුරු වීමේ කම්පනය හා සසඳන විට “පවුලෙන් ඈත්ව සිටින කාලය” නො මැති වීම යනු කුමක් ද? දරුවන්ට අවශ්‍ය දේ ගැන ටයිම්ස් ගනන් නො ගනී. එය සැලකිලිමත් වන්නේ වෝල් වීදියට අවශ්‍ය දේ ගැන පමනි. වෝල් වීදියට පාසැලේ ලමයින් සිටීම අවශ්‍ය වන්නේ, ඒ් නයින් ඔවුන්ගේ දෙමව්පියන්ට ජෙෆ් බෙසොස් හා එලොන් මස්ක් වැනි අය වෙනුවෙන් අධිකව වෙහෙසිය හැකි නිසා ය.

පුවත්පත මේ ගැන ඉඟි කරමින් මෙසේ ලියයි. “දෙමව්පියන්ට රජයේ පාසල් ද අවශ්‍යයි. දරුවන් ඇති දැඩි කිරීමට ඔවුන්ට උදව් අවශ්‍ය යි.  එමෙන්ම ඔවුන් වැඩ කල යුතු යි. ” තව දුරටත් එහි මෙසේ සඳහන් වේ: “උපදේශන සමාගමක් වන මැකින්සි ඇස්තමේන්තු කර ඇත්තේ ඇමරිකානු කම්කරුවන් මිලියන 27කට පූර්න කාලීන රැකියාවලට නැවත පැමිනීම සඳහා පාසල් ද ඇතුලුව ලමා රැකවරනය අවශ්‍ය බව යි.”

වසංගතයෙන් “ආරක්ෂිත” තෝතැන්නක් සපයන පාසල් සම්බන්ධයෙන් ගත් කල, ඇමරිකාවේ අබලන් වූ, අරමුදල් හිඟ හා අපිරිසිදු පාසල්, ලමයින්ට හෝ අධ්‍යාපනඥයින්ට ආරක්ෂිතය යන ප්‍රකාශය සාපරාධී බොරුවකි.

පසුගිය මාසයේ දී රජයේ වගවීමේ කාර්යාලය විසින් කරන ලද වාර්තාවකින් හෙලි වූයේ පාසල් දිස්ත්‍රික්කවලින් සියයට 41ක අවම වශයෙන් පාසල්වලින් අඩක වත් උනුසුම, වාතාශ්‍රය සහ වායු සමීකරන පද්ධති යාවත්කාලීන කිරීම හෝ ප්‍රතිස්ථාපනය කල යුතු බව යි. හරිත පාසල් සඳහා වූ මධ්‍යස්ථානයේ 2016 වාර්තාවකින් හෙලි වූයේ රටේ පාසල් 15,000ක ගෘහස්ථ වායු ගුනාත්මක භාවය දුර්වල මට්ටමක පවතින බවත් එය සිසුන්ට හා කාර්ය මන්ඩලයට ආශ්වාස කිරීමට නුසුදුසු බවත් ය.

ලෝක සෞඛ්‍ය සංවිධානය විසින් කොරෝනා වෛරසය වායුවාහක යැයි නිගමනය කර ඇති අතර, ගුරුවරුන්ගෙන් තුනෙන් එකක් පමන වෛරසයෙන් මියයාමේ අවදානම වැඩි බැවින්, පාසල් විශාල වශයෙන් නැවත විවෘත කිරීම දස දහස් ගනනක් ගුරුවරුන්ගේ මෙන් ම සිසුන්ගේ ජීවිතවලට තර්ජනය කරයි. ඇරිසෝනාවේ, තවත් ගුරුවරුන් දෙදෙනෙක් සමග එකම පාසල් කාමරයක් බෙදා ගනිමින් සේවය කිරීමේදී කොවිඩ්-19 රෝගයට ගොදුරුවු, 61, හැවිරිදි කිම්බර්ලි චාවේස් ලෝපෙස් බර්ඩ්, ජුනි 26 වන දින, මියගියාය.

බාලාංශයේ සිට 12වැනි ශ්‍රේනිය දක්වා (K-12) පාසල් හා විශ්ව විද්‍යාල සම්පූර්නයෙන් නැවත විවෘත කිරීම මගින් කොරෝනා වෛරසය පැතිරීම සඳහා “ඉහලම අවදානම” ඇති කරන බවට සිකුරාදා පුවත්පත් වෙත කාන්දු වූ , රෝග මර්දන හා වැලැක්වීමේ මධ්‍යස්ථාන (සීඩීසී) අභ්‍යන්තර ලේඛනයක් අනතුරු ඇඟවී ය.

ට්‍රම්ප් හා ඔහුගේ අන්ත දක්ෂිනාංශික ප්‍රකෝටිපති අධ්‍යාපන ලේකම් බෙට්සි ඩිවෝස් පන්ති කාමරයෙන් වියෝ වීම නිසා ලමයින්ට සිදුවන හානිය ගැන දුක් වන බව ටයිම්ස් ප්‍රකාශ කරයි. තමන්  රවටමින් සිටින්නේ  කවුරුන් දැයි ඔවුන් සිතන්නේ ද? ටයිම්ස් සහ අනෙකුත් සංගත මාධ්‍ය විසින් සහාය දෙන ලදුව, ඩෙමොක්‍රටික මෙන් ම රිපබ්ලිකානු අනුප්‍රාප්තික පරිපාලනයන්, රාජ්‍ය අධ්‍යාපනයට පහර දීම සූදානම් කර ඇත්තේ, අරමුදල් කප්පාදු කිරීම, පාසල් වැසීම, ගුරුවරුන් සේවයෙන් ඉවත් කිරීම හා ලාභ ලබන “බලපත්‍ර පාසල්” ප්‍රවර්ධනය කරමිනි.

ට්‍රම්ප්ට “පාසල්වලට මුදල් ලබා ගැනීම සඳහා වැඩ කල හැකි” යැයි යෝජනා කරමින් “වැඩි මුදලක් හා වැඩි ඉඩක්” ලබා ගැනීම සඳහා පාසල් නැවත විවෘත කිරීමේ යෝජනාවට ටයිම්ස් අවධානය යොමු කරයි.“පාසල් නැවත විවෘත නොවන්නේ නම් ... ඔවුන්ට අරමුදල් නො ලබනු ඇත යි,”  “ෆොක්ස් නිව්ස් සන්ඩේ” වැඩසටහනේ දී ඩිවෝස් ප්‍රකාශ කල අවස්ථාවේ, මෙම යෝජනාවේ බංකොලොත්භාවය අවධාරනය කෙරුනි. ඒ වෙනුවට ඇය කියා සිටියේ මධ්‍යම ආන්ඩු අරමුදල් පෞද්ගලික පාසල්වල උපකාරක පන්තිවලට ගෙවීමට පාසල් වවුචර සඳහා භාවිතා කල යුතු බව යි.

වැඩි ඉඩක් ලබා ගැනීම සඳහා පුවත්පත යෝජනා කරන්නේ “ව්‍යායාම් ශාලා හා ආපනශාලා” නැවත සකස් කිරීම, “එලිමහනේ” හෝ “තාප්ප නොමැති කූඩාරම් යට” පන්ති පැවැත්වීම හා “පාසල් අවට වීදි වසා එහි පන්ති පැවැත්වීම” යි. එවැනි ප්‍රතිගාමී කුනු කසල හමුවේ කෙනෙකු පුදුමයට පත් වනු ඇත. ටයිම්ස් කතා කරන දෙයට සැබෑ අධ්‍යාපනයට කිසිදු සම්බන්ධයක් නැත. සංගත ලාභය උදෙසා ලමයින් රඳවා තබන තාවකාලික මාරාන්තික ගව ගාල් වෙත යොමු කිරීමටම “සැර බාලකොට” ඉදිරිපත් කරන යෝජනාවකි.

ලොව පුරා, වසංගතය හෙලිදරව් කර ඇත්තේ  ධනේශ්වර පන්තිය කම්කරු පන්තියෙන් වෙන් කරන, නො පෑහිය ලෙස ප්‍රතිවිරද්ධ උත්සුකයන් ය. ධනේශ්වර දේපල හා දේශපාලන බලයට සෘජුව ම පහර දීමෙන් තොර ව වසංගතයට මානුෂීය හෝ තාර්කික විසඳුමක් ලබා දිය නො හැක.

පාලක පන්තියේ මිනීමැරු ප්‍රතිපත්තිවලට ප්‍රතිචාර වශයෙන් ජාත්‍යන්තර වශයෙන් උගතුන්, දෙමාපියන් හා පුලුල් කම්කරු පන්තිය අතර විරුද්ධත්වය ගොඩනැඟෙමින් තිබේ. # 14DaysNoNewCases නම් හැෂ් ටැගය ට්විටර් වෙබ් අඩවියේ ජනප්‍රිය වෙමින් තිබෙන්නේ, දෙමාපියන් හා අධ්‍යාපනඥයින් පාසල් අනාරක්ෂිත ලෙස නැවත විවෘත කිරීම හෙලා දැකීම සමගිනි. බ්‍රිතාන්‍යයේ සිට දකුනු අප්‍රිකාව දක්වා පාසල් නැවත විවෘත කිරීමට විරුද්ධ වීමට ෆේස්බුක් කන්ඩායම් පිහිටුවා තිබේ. “පාසල් නැවත විවෘත කිරීමට එරෙහිව එක්සත් ටෙක්සාස් ගුරුවරුන්” නම් ෆේස්බුක් කන්ඩායමට එක්සත් ජනපදයේ සාමාජිකයින් 6,000 කට ආසන්න සංඛ්‍යාවක් සිටී.

ඉලිනොයිස් ප්‍රාන්තයේ ජොලියට් හි වැඩ වර්ජනය කරන හෙදියෝ සති අන්තයේ දී ඉලිනොයිස් හෙද සංගමය (අයිඑන්ඒ) විසින් සාකච්ඡා කරන ලද පවා දීමේ කොන්ත්‍රාත්තුවක් ප්‍රතික්ෂේප කලහ. කලමනාකරනය හා තරයේ ම දූෂිත එක්සත් මෝටර්රථ කම්කරුවන්ගේ වෘත්තීය සමිතිය (යූඒඩබ්ලිව්) නො සලකා හරිමින්, මිඩ්වෙස්ට් භූගෝලීය කලාපයේ මෝටර් රථ කම්කරුවෝ සාමාජික ආරක්ෂක කමිටු පිහිටුවමින් සිටිති. අනාරක්ෂිත සේවා කොන්දේසිවලට එරෙහිව ජාත්‍යන්තරව වැඩ වර්ජන හා විරෝධතා ඇති වී තිබේ.

එක්සත් ජනපදයේ ඇමරිකානු ගුරු සම්මේලනය (ඒඑෆ්ටී) සහ ජාතික අධ්‍යාපන සංගමය (එන්ඊඒ) ඇතුලු ගුරුවරුන් හා අධ්‍යාපනඥයින් නියෝජනය කරන බව කියා සිටින වෘත්තීය සමිති, පාසල් නැවත විවෘත කිරීමේ ව්‍යාපාරය සමඟ ඇති කර ගත් ගිවිසුම සමග එකඟතාව සංඥා කර ඇත්තේ,ජෝ බිඩෙන් තෝරා ගැනීමෙන් සියල්ල විසඳෙනු ඇත යි කියමින්, සුලු උපායශීලී වෙනස්කම් පමනක් ප්‍රකාශ කරමිනි.

සමාජවාදී සමානාතා පක්ෂය අධ්‍යාපනඥයින්ගෙන් ඉල්ලා සිටින්නේ ඒන්ඊටී හා ඒ්එෆ්ටී සහ ප්‍රාන්ත හා ප්‍රාදේශීය අනුබද්ධ ආයතන වලින් බිදී, පාසල් අනාරක්ෂිත ලෙස නැවත විවෘත කිරීමට එරෙහිව බලමුලු ගැන්වීම සඳහා සෑම පාසලක ම මෙන් ම අසල්වැසි ප්‍රදේශවල ස්වාධීන සමාජික ආරක්ෂක කමිටු පිහිටුවා ගන්නා ලෙස යි. එවැනි කමිටු අධ්‍යාපනඥයින් පුලුල් කම්කරු පන්තිය සමඟ ඒකාබද්ධ කිරීමට සටන් කල යුතු ය.

අනාරක්ෂිත ලෙස නැවත විවෘත කිරීම අවහිර කිරීමට සහ සියල්ලන් සඳහා  උසස් ගුනාත්මක, ආරක්ෂිත හා සමාන අධ්‍යාපනයක් ලබා දීම සඳහා පාසල් නැවත ගොඩනැඟීමේ හා අවශ්‍ය කාර්ය මන්ඩල බඳවා ගැනීමේ කඩිනම් වැඩපිලිවෙලක් ඉල්ලීම සඳහා ගුරුවරුන්ගේ හා පාසල් සේවකයින්ගේ ජාතික පරිමාන වැඩ වර්ජනයක් සඳහා සූදානම් කල යුතු ය. අනාරක්ෂිත කොන්දේසි යටතේ වැඩ කිරීම ප්‍රතික්ෂේප කිරීම සම්බන්ධයෙන් කිසිදු ගුරුවරයෙකුට හෝ පාසලකට දඬුවම් නො කල යුතු ය. වසංගතය දිගට ම පවතින තාක් කල් ආදායම් අහිමි නො විය යුතු ය.

රටපුරා අධ්‍යාපනඥයින්ගේ වැඩ වර්ජනයක් පන්ති අරගලයේ වර්ධනය කෙරෙහි ප්‍රබල බලපෑමක් ඇති කරනු ඇති අතර, මෝටර් රථ කම්කරුවන්, සැපයුම් කම්කරුවන්, සෞඛ්‍ය සේවා කම්කරුවන් සහ පෞද්ගලික ලාභයේ පූජාසනය අසල සිය ජීවිත පරිත්‍යාග කිරීමට නියමවන සියල්ලන් ද ඇතුලුව කම්කරු පන්තියේ පුලුල් ස්ථර ඇද ගනු ඇත. 

ජෝර්ජ් ෆ්ලොයිඩ්ගේ පොලිස් ඝාාතනයෙන් පසුව ඇති වූ ගෝලීය විරෝධතා රැල්ලෙහි දක්නට ලැබෙන පරිදි, එක්සත් ජනපදය තුල ජාතික පරිමාන වර්ජනයක වර්ධනයක් ලොව පුරා කම්පන තරංග යවනු ඇත.

ලෝක සමාජවාදී වෙබ් අඩවිය සඳහන් කල පරිදි, වසංගතය මහජන සෞඛ්‍ය අර්බුදයක් පමනක් නො වේ. එය විශාල මානයන්ගෙන් යුත් සමාජ හා දේශපාලන අර්බුදයක් අවුලුවා තිබේ. පාලක පන්තිය ෆෙබවාරී හා මාර්තු මාසවල වසංගතයට එරෙහි තම මූලෝපායික ප්‍රතිචාරය සකස් කරනු ලදුව, එතැන් සිට කම්කරුවන් මත අවසානයක් නැති ප්‍රහාරයන් එල්ල කර ඇත. කම්කරු පන්තිය සමාන අධිෂ්ඨානයකින් හා නිර්දය බවකින් ප්‍රතිචාර දැක්විය යුතු ය. ලොව පුරා සිටින මිලියන සංඛ්‍යාත කම්කරුවන්ගේ හා තරුනයින්ගේ ජීවිතවලට තර්ජනයක් වන ධනවාදී පද්ධතිය සමාජවාදී ව පෙරලා දැමීම සඳහා එය සටන් කල යුතුය.

ඉවාන් බ්ලේක්