මෙම සති අන්තයේ දී, කොවිඩ්-19 රෝගීන් මිලියන 50ක් වාර්තා වූ අතර, මරන මිලියන 1.25 ඉක්මවා ගියේ, ඇමරිකාව හා යුරෝපය අද වන විට වසංගතයේ දරුනුතම අවධියට මුහුන දී තිබිය දී ය.
ප්‍රංශය හා ඉතාලියේ රෝහල් යලිත් වරක් උතුරා ගොස් ඇත්තේ, රෝගීන් ජර්මනිය ඇතුළු අවට රටවලට මාරු කිරීමට ඔවුන් පොලඹවමිනි. සෙනසුරාදා ප්‍රංශය වාර්තාගත ලෙස රෝගීන් 86,852ක් සටහන් කලේ ය.
රටේ සෞඛ්‍ය පද්ධතිය ප්‍රපාතයට ඇද වැටෙත් ම, වාතාශ්‍රක වල ආධාරයෙන් සිටින පුද්ගලයන් රෝහල් පිරී යාම හා ඇතමෙකු බිම පවා වැතිරී සිටීම සමග හිර වූ ඉතාලි රෝහල්වල කොරිඩෝවල ඡායාරූප හා වීඩියෝ පට පැතිරී ගොස් ඇත. සෙනසුරාදා, ඉතාලියේ සෞඛ්‍ය අමාත්‍යංශය පැය 24 ක් තුල නව කොරෝනා වෛරස් ආසාදන 39,811ක් වාර්තා කර ඇති අතර එය රටේ ඉහලම දෛනික අගය යි. රටේ වෛරසය හා සම්බන්ධ මුළු මරන සංඛ්‍යාව 41,000 ඉක්මවා ඇත.
එක්සත් ජනපදය බ්‍රහස්පතින්දා, සිකුරාදා හා සෙනසුරාදා දෛනික ව රෝගීන් 132,000 කරා ලඟා වෙමින් වාර්තා ගත නව රෝගීන් සටහන් කර ඇත. දැන් එක්සත් ජනපදයේ දෛනික නව රෝගීන් සංඛ්‍යාව මුළු වසංගතය අතරතුර චීනයේ හමු වූ කොවිඩ්-19 රෝගීන් සංඛ්‍යාවට වඩා ඉහල අගයක් ගනී.
පසුගිය සතිය තුල ඇමරිකාවේ දෛනික නව රෝගීන්ගේ සංඛ්‍යාව සියයට 30 කින් ඉහල ගොස් තිබේ. ප්‍රාන්ත දහනකවයක් කොවිඩ්-19 රෝගීන් වාර්තාගත සංඛ්‍යාවක් රෝහල්ගත ව සිටින බව වාර්තා කරන අතර, ප්‍රාන්ත 43ක් වැඩි වන රෝගීන් වාර්තා කරමින් සිටී.සෞඛ්‍ය සේවා පද්ධතිවලට දීර්ඝ කාලිනව අරමුදල් කපා හල, රටේ අභ්‍යන්තරයේ ග්‍රාමීය ප්‍රාන්ත මෙයට ඇතුලත් වේ.
මිලියනයකට වඩා වැඩි සංඛ්‍යාවක් සමග, ටෙක්සාස් ජනපදයේ දැන් වෙනත් කිසිදු ප්‍රාන්තයකට වඩා රෝගීහු සිටිති. ආරක්ෂක දෙපාර්තමේන්තුව එල් පැසෝ වෙත හදිසි වෛද්‍ය කන්ඩායම් තුනක් යවා ඇති අතර, එහි පිරී ඉතිරී ගොස් ඇති රෝහල්වලට සහාය වනු පිනිස නගරය තාවකාලික හදිසි වෛද්‍ය පහසුකම් පිහිටුවා ඇත.
එක්සත් ජනපදයේ දැන් කොවිඩ් 19 රෝගීන් මිලියන 10ක් නැතහොත් ලෝකයේ මුළු සංඛ්‍යාවෙන් දහයෙන් එකක් ඇති අතර, මිලියන හතරරෙන් එකකට ආසන්න පිරිසක් මියගොස් ඇත. වසංගත රෝග විද්‍යාඥයින් අනතුරු අඟවා ඇත්තේ වසර අවසාන වන විට මරන සංඛ්‍යාව 400,000 දක්වා ඉහල යා හැකි බව යි.
මේ අතර මාර්තු මාසයේ දී, මොටර්රථ කම්හල් හා අනෙකුත් පහසුකම්වල කම්කරුවන් ස්වයංසිද්ධ ව වැඩවර්ජනය කිරීමෙන් පසු අත්‍යවශ්‍ය නො වන ව්‍යාපාර තාවකාලික ව වසා දැමීමට ප්‍රාන්තවලට බල කෙරුනි. නමුත් ඊටත් වඩා දරුනු වන, වසංගතයේ නවතම රැල්ල මධ්‍යයේ, පාසල් හෝ කර්මාන්තශාලා වසා නො දමන බව ප්‍රාන්ත පැහැදිලි කර තිබේ.
ප්‍රංශය, බ්‍රිතාන්‍යය හා ජර්මනිය මත්පැන් ශාලා හා ව්‍යායාම් ශලා වසා දැමීම ඇතුළු සුළු සීමාවන් ක්‍රියාත්මක කර ඇති නමුත් පාසල් වසා දැමීමට හෝ අත්‍යවශ්‍ය නො වන නිෂ්පාදන පහසුකම්වල නිෂ්පාදනය වසා දැමීමට ඒවා කිසිදු ක්‍රියාමාර්ගයක් ගෙන නො මැත.
එක්සත් ජනපදය තුල, ට්‍රම්ප් පරිපාලනය “රංචු ප්‍රතිශක්තිය” පිලිබඳ පිලිවෙත විවෘත ව පිලිගෙන ඇති අතර, එය වසංගතය පැතිරීම ධනාත්මක යහපතක් බවත්, එය නැවැත්වීමට ආන්ඩු කිසිවක් නො කල යුතු බවත් විශ්වාස කරයි.
රෝගය පැතිරවීමේ දී සේවා ස්ථානවල දායකත්වය පිලිබඳ නව සාක්ෂි මතුවී තිබියදීත්, පාලක පන්තියෙන් පාසල් හා කර්මාන්තශාලා වැසීමට විරෝධය එල්ල වේ. එක්සත් ජනපදයේ රෝග පාලන හා වැලැක්වීමේ මධ්‍යස්ථානයේ (සීඩීසී) මෑත වාර්තාවක් නිගමනය කලේ කොරෝනා වෛරස සඳහා පරීක්‍ෂා මගින් තහවුරු කෙරුනු වැඩිහිටියන් සසඳන විට, නිවසේ සිට වැඩ කල අයට වඩා කාර්යාලයක හෝ කර්මාන්ත ශාලාවක වැඩ කල අයට දෙගුනයක් වූ බවයි.
ජනාධිපතිවරනයේ දී ඩිමොක්‍රටික් ජෝ බයිඩෙන්ගේ ජයග්‍රහනය තල්ලු කෙරුනේ ට්‍රම්ප් විනාසකාරී ලෙස වසංගතය හැසිරවීම සම්බන්ධයෙන් පුලුල් මහජන ප්‍රතික්ෂේප කිරීමෙනි. නමුත් ව්‍යාපාර පිලිබඳ බයිඩෙන්ගේ පලමු පටිපාටය වූයේ වත්මන් පරිපාලනයෙන් මූලික වෙනසක් සිදු නො වන බවට ප්‍රධාන සමාගම්වලට සහතික වීම යි.
ප්‍රධාන රූපවාහිනී ජාල ඔහු ව මැතිවරනයේ ජයග්‍රාහකයා ලෙස හැඳින්වීමෙන් පසු තම පලමු කතාවේ දී, සෙනසුරාදා බයිඩෙන් වසංගතය සඳහා කැප කලේ එක් ඡේදයක් පමනි. එක් නිශ්චිත ප්‍රතිපත්තියක් ගැන සඳහන් නො කර “මෙම වසංගතය හැරවීමට” “ක්‍රියාකාරී සැලැස්මක්” නිර්මානය කිරීමට ඔහු ප්‍රතිඥා දුන්නේ ය.
ඔහුගේ සංක්‍රාන්ති කන්ඩායම් වෙබ් අඩවිය වසංගතයට එරෙහි ව සටන් කිරීම සඳහා අමතර අරමුදල් වෙන් කිරීමක් ඉල්ලා නැත. “නිත්‍ය, විශ්වාසදායක” පරීක්‍ෂා කිරීම සහ “ඔවුන්ට අවශ්‍ය තීරනාත්මක සැපයුම්” ලබා ගැනීම සඳහා වන එහි නො පැහැදිලි යෝජනා, ඉවත් ව යන ට්‍රම්ප් පරිපාලනයේ යෝජනාවලින් සැබවින්ම වෙන් කොට හඳුනාගත නො හැකි ය. උද්ඝෝෂනය අතරතුර බයිඩෙන් ජාතික මුවආරන නියෝගයක් ඉල්ලා සිටිය ද, ඔහුගේ වෙබ් අඩවිය මෙම ඉල්ලීම අතහැර දමා ඇත්තේ, ඒ වෙනුවට ට්‍රම්ප් කල ආකාරයට මෙම ක්‍රියාමාර්ග ආන්ඩුකාරවරුන්ට භාර දෙමිනි.
ඉතා වැදගත් ලෙස, ඩිමොක්‍රටිකයින් අත්‍යවශ්‍ය නො වන ව්‍යාපාර වසා දැමීමට යෝජනා නො කරන අතර ඒ වෙනුවට “සමාජ දුරස්ථභාවය විදුලි ස්විට්චයක් නොවේ. එය පුවරුවකි” වැනි නො පැහදිලි ප්‍රකාශ කරමින් සිටී. ඒ ආකාරයෙයන් ම වසංගතයෙන් බලපෑමට ලක් වූ කම්කරුවන්ට සහ කුඩා ව්‍යාපාරවලට වන්දි ගෙවීමට ඔවුන් කිසිවක් යෝජනා නො කරන්නේ, නිර්දේශිත නිරෝධායන පියවරයන්ට අනුකූල ව කටයුතු කිරීමේ වගකීම මුළුමනින් ම පුද්ගලයන් මත පටවමින් හා ආර්ථික තත්වයන් නිසා තමන්ට සහ වෙනත් අයට අනාරක්ෂිත තත්වයන් යටතේ වැඩ කිරීමට කම්කරුවන්ට බල කරන බවට සහතික වීමෙනි.
බයිඩෙන්ට ඡන්දය දුන් මිලියන සංඛ්‍යාත කම්කරුවන් හා තරුනයින් එසේ කලේ ට්‍රම්ප්ගේ ප්‍රතිපත්තියට සම්පූර්නයෙන්ම විරුද්ධ වූ කොරෝනා වෛරස් ප්‍රතිපත්තියක් ඔහු විසින් ක්‍රියාත්මක කරනු ඇතැ යි යන බලාපොරොත්තුවෙනි. ඔවුන්ට අප්‍රසන්න සත්‍යයකට මුහුන ඩේමට වනු ඇත. වසංගතය ඔවුන්ගේ සමාජ අවශ්‍යතාවන්ට පටහැනි ලෙස පාලනය කිරීමට දරන ඕනෑ ම උත්සාහයක් තම සමාජ උත්සුකයන්ට ප්‍රතිවිරුද්ධ බව දකින ප්‍රධාන සමාගම්වල නියෝග මගින් බයිඩෙන් තන්ත්‍රයද අඩුවක් නැතිව පාලනය නො කෙරනු ඇත.
වසංගතය අත්ලාන්තික් සාගරයේ දෙපස ම වේගයෙන් පැතිරෙමින් පවතින්නේ, මහජන සෞඛ්‍ය නො ව සංගත හා මූල්‍ය කතිපයාධිකාරයේ ලාභ අවශ්‍යතා මගින් ආන්ඩු වල ප්‍රතිචාරය තීරනය වන නිසා ය. එක් ධනේශ්වර පාලක පක්ෂයක් වෙනුවට තවත් පක්ෂයක් ආදේශ කිරීමෙන් මෙම ප්‍රතිපත්තියේ දිශාව මූලික වශයෙන් වෙනස් කල නො හැකි ය.
ධනේශ්වර ආන්ඩු තර්ජනය අවතක්සේරු කර වසංගතය පැතිරීමට ඉඩ දී තිබිය දී ත්, මේ වසර පුරා ම ලෝකසමාජවාදී වෙබ් අඩවිය වසංගතය නිසා ඇති විය හැකි අනතුරු පිලිබඳ අනතුරු ඇඟවා තිබේ. මෙම අනතුරු ඇඟවීම් තහවුරු කෙරී ඇත.
ශතවර්ෂයකට අධික කාලයක් තුල සිදු වූ විශාලතම සෞඛ්‍ය ව්‍යසනය වන වසංගතය පාලනය කිරීම සඳහා රැඩිකල් සමාජ ප්‍රතිචාරයක් අවශ්‍ය වේ.
පාසල් හා අත්‍යවශ්‍ය නො වන සේවා ස්ථාන වසා දැමිය යුතු අතර, අහිමි වූ වැටුප් සඳහා කම්කරුවන්ට වන්දි ගෙවීම හා දුරස්ථ ඉගෙනීම සඳහා ලමුන්න්ට අවශ්‍ය සහයෝගය ලබා දීම සඳහා සමාජ සම්පත් විශාල වශයෙන් වෙන් කල යුතු ය. සමාජයේ ක්‍රියාකාරිත්වයට නිෂ්පාදනය අත්‍යවශ්‍ය වන විට, සංගත ලාභය ගැන කිසිදු තැකීමක් නො මැති ව, සාමාජික ආරක්ෂක කමිටු හා සෞඛ්‍ය සේවා වෘත්තිකයන් විසින් ආරක්ෂිත සේවා කොන්දේසි අධීක්ෂනය කල යුතු ය.
විශ්වීය පරීක්ෂන, ආශ්‍රයන් සොයා ගැනීම හා සැමට නොමිලේ ප්‍රතිකාර කිරීම ඇතුළු මහජන සෞඛ්‍ය පොදුකාර්ය පහසුකම් සඳහා විශාල ආයෝජනයක් තිබිය යුතු ය. මේ සඳහා සෞඛ්‍ය ආරක්ෂන පොදුකාර්ය පහසුකම් සහ රෝහල් ගොඩනැගීම සඳහා විශාල පොදු වැඩ වැඩසටහනක් අවශ්‍ය වේ.
එන්නතක් වර්ධනය කිරීම හා නිදහසේ බෙදා හැරීම සඳහා දැවැන්ත ගෝලීය මහජන උත්සාහයක් අවශ්‍ය වේ. මෙම වැදගත් උත්සාහය සංගත ලාභ අවශ්‍යතා හා ජාතික රාජ්‍ය තරඟයට යටත් කල නො හැකි ය.
වසංගතයට එවැනි තාර්කික හා විද්‍යාත්මක ප්‍රතිචාරයක් ක්‍රියාත්මක කිරීම අවහිර කරනු ලබන්නේ නිෂ්පාදනයේ පෞද්ගලික අයිතිය හා මූල්‍ය කතිපයාධිකාරයේ උත්සුකතාවන්ට සමාජයේ සියල්ල යටත් කිරීම මගිනි. වසංගතයට එරෙහි අරගලය, වෙනත් වචනවලින් කිව හොත්, මූලික වශයෙන් වෛද්‍යමය ගැටලුවක් නො වේ. එයට ධනේශ්වර ක්‍රමයට එරෙහි ජාත්‍යන්තර කම්කරු පන්තියේ දේශපාලන අරගලයක් අවශ්‍ය වේ.
[මෙම ලිපිය නොවැම්බර් 9 දින ඉංග්‍රීසි භාෂාවෙන් පලවින. ]