2014 சர்வதேச மே தினத்தை குறிக்கும் வகையில், நான்காம் அகிலத்தின் அனைத்துலகக் குழுவும் உலக சோசலிச வலைத் தளமும் சமத்துவமின்மை, சர்வாதிகாரம் மற்றும் யுத்தத்துக்கும் எதிராக ஒரு உலக இணையவழி கூட்டத்தை ஏற்பாடுசெய்கின்றன. அனைத்து தொழிலாளர்கள் மற்றும் இளைஞர்களுக்கும் இந்த தன்நிகரில்லாத நிகழ்வில் பங்குபற்ற இன்றே பதிவு செய்யுமாறு நாம் வேண்டுகோள் விடுக்கின்றோம். இந்தக் கூட்டத்தில் உலகம் பூராவும் இருந்து வரும் பேச்சாளர்கள் மனித குலம் எதிர்கொள்ளும் அடிப்படைப் பிரச்சினைகளைப் பற்றி பேசுவர்.

வங்கிகளையும் நிதிய அமைப்பு முறையையும் பிணை எடுத்துள்ள பெருநிறுவன மற்றும் நிதிய உயரடுக்கின் அரசியல் பிரதிநிதிகள், மிருகத்தனமான சிக்கன நடவடிக்கைகள் மற்றும் சம்பள வெட்டுக்களின் ஊடாக இதற்கு தொழிலாள வர்க்கத்தை விலை கொடுக்கச் செய்ய கட்டாயப்படுத்துகின்றனர். சமூக வெடிப்பை எதிர்கொள்வதற்கான தயாரிப்பில், மிகவும் அடிப்படையான ஜனநாயக உரிமைகள் பறிக்கப்பட்டு வருகின்றன. நாம் முதலாம் உலக யுத்தத்தின் 100வது ஆண்டு நிறைவை அண்மிக்கின்ற நிலையில், அமெரிக்கா மற்றும் ஐரோப்பிய சக்திகளால் உக்ரேனில் ஏற்பாடு செய்யப்பட்ட வலதுசாரி சதி, பல தலைமுறைகளுக்கு மிகவும் ஆபத்தான சர்வதேச புவி-சார் நெருக்கடிகளை உருவாக்கிவிட்டுள்ளது.

வெகுஜனங்களின் பரந்த பெரும்பான்மையினரின் குரல் கேட்க வேண்டும்! ஒவ்வொரு நாட்டிலும் உள்ள தொழிலாள வர்க்கம் எழுந்து நின்று, மனித இனத்தை அழிவுக்குள் தள்ளிச் செல்லும் பெரும் நிறுவனங்கள் மற்றும் வங்கிகளின் கொள்கைகளுக்கு எமது எதிர்ப்பை வெளிப்படுத்த வேண்டிய கட்டம் இது.

ஏகாதிபத்திய ஆக்கிரமிப்பு மற்றும் பணக்காரர்களின் நலன்களுக்காக வர்க்க உறவுகளை மறுசீரமைப்பதற்கான ஒரு பூகோள பிரச்சாரமும் மீண்டும் தலைநீட்டியுள்ள நிலையில், முன்னெப்போதையும் விட அதிகமாக தொழிலாள வர்க்கத்தின் கோட்பாட்டுச் சொல் “உலகத் தொழிலாளர்களே ஒன்றுபடுங்கள்” என்பதாக இருக்க வேண்டும்.