மொழிபெயர்ப்பின் மூலக் கட்டுரையை இங்கே காணலாம்.

சமீபத்திய ஐக்கிய நாடுகளின் மனித அபிவிருத்தி அறிக்கை (United Nations Human Development – UNHD), உலகின் ஏழ்மையான மக்களை பின்னுக்குத் தள்ளி, சமத்துவமின்மையை மோசமாக்கி, அரசியல் துருவமுனைப்பைத் தூண்டும் மிகவும் சீரற்ற பொருளாதார மற்றும் சமூக வளர்ச்சியை விவரித்து ஆவணப்படுத்துகிறது.

2023/24 மனித அபிவிருத்தி அறிக்கையானது, முட்டுக்கட்டையை உடைத்தல்: அதாவது துருவப்படுத்தப்பட்ட உலகில் ஒத்துழைப்பை மறுபரிசீலனை செய்தல் (Breaking the Gridlock: Reimagining cooperation in a polarized world), உலக மனித அபிவிருத்தி குறியீட்டில் (HDI) பெருந்தொற்று நோய்க்குப் பிந்தைய மீட்சியானது —ஒரு நாட்டின் தனிநபர் மொத்த தேசிய வருமானம், கல்வி மற்றும் ஆயுட்காலம் ஆகியவற்றை பிரதிபலிக்கும் ஒரு சுருக்கமான அளவீடு— பகுதியளவில், முழுமையற்றதாக மற்றும் சமத்துவமற்றதாக உள்ளது என்பதை வெளிப்படுத்துகிறது.

இந்தப் பெருந்தொற்று நோய் இரண்டாம் உலகப் போருக்குப் பிந்தைய உலகின் மிகப் பெரிய மந்தநிலையைத் துரிதப்படுத்தியது, உலக உற்பத்தியானது 2007-2008 உலக நிதி நெருக்கடியின் போது இருந்ததை விட மூன்று மடங்கு அதிகமாக வீழ்ச்சியடைந்ததுடன், பொருளாதார நடவடிக்கைகள் நிறுத்தப்பட்ட நிலையில், மிகவும் திடீரென வீழ்ச்சியடைந்தது. உலக வேலைவாய்ப்பின்மை விகிதங்கள் பெருந்தொற்று நோய்க்கு முந்தைய நிலைகளுக்கு இன்னும் திரும்பவில்லை, இது அதிகமான தொழிலாளர்களை அவர்கள் அற்ப ஊதியத்திற்கு வேலை செய்யும் முறைசாரா துறைக்குள் தள்ளுகிறது.

இந்த அறிக்கையானது, இதுபோன்ற உத்தியோகபூர்வ வெளியீடுகளின் வெற்றுத்தனமான மற்றும் குறைத்து மதிப்பிடப்பட்ட மொழிக்கு இடையே, “நீடித்த அதிகார சமநிலையின்மைகளுக்கு” மத்தியில் உலகின் வளர்ந்து வரும் பரஸ்பர சார்பு குறித்து முக்கியமான புள்ளிகளை முன்வைக்கிறது.

முன்னேறிய நாடுகள் சாதனையளவிலான மனித அபிவிருத்தி மட்டங்களை அனுபவித்து வருகின்ற அதேவேளையில், மிக வறிய நாடுகளில் பாதியளவு அவற்றின் கோவிட்-19 க்கு முந்தைய மட்டங்களை எட்டத் தவறிவிட்டன. இந்தப் பெருந்தொற்று நோய் குறைந்தபட்சம் 15 மில்லியன் இறப்புகளுக்கு இட்டுச் சென்றது, இது சமீபத்திய அனைத்து பெருந்தொற்று நோய்களையும் (ஆசியக் காய்ச்சல், ஹாங்காங் காய்ச்சல், பன்றிக் காய்ச்சல், சார்ஸ், எபோலா மற்றும் மெர்ஸ்) விட அதிகமாக இருந்தன என்று அறிக்கை குறிப்பிடுகிறது. உலகக் கோவிட் இறப்புகள் குறித்த உலக மனித அபிவிருத்தி குறியீட்டின் (HDI) மதிப்பீடானது பழமைவாதங்களில் ஒன்றாகும். மிகவும் துல்லியமான எகனாமிஸ்ட் கணக்கெடுப்பு 30 மில்லியன் அதிகமாக 2023 ஆம் ஆண்டின் இறுதி வரை உலக இறப்புகளை நெருங்குவதாக மதிப்பிடுகிறது. இது பெரும்பாலான நாடுகளில் பிறக்கும் போதே ஆயுட்காலத்தை குறைத்தது மட்டுமல்லாமல், மனித அபிவிருத்தி குறியீட்டின் (HDI) பிற கூறுகளையும் பலவீனப்படுத்தியது, கல்விக்கான அணுகலைத் தடுத்தது மற்றும் பொருளாதாரத்தில் நீடித்த வடுக்களை விட்டுச் சென்றது.

நிதிச் செல்வந்த தட்டுக்களின் நலன்களுக்காக பிரதான சக்திகளின் குற்றகரத்தன்மை என்று மிகவும் துல்லியமாக விவரிக்கப்பட்ட “பூகோளரீதியான பரஸ்பர சார்புநிலைகளின் தவறான நிர்வாகம்” என்று அந்த அறிக்கை விவரித்ததன் மூலம் இது மேலும் அதிகரித்தது. நாடுகளுக்கு உள்ளேயும் நாடுகளுக்கு இடையிலும் நடைமுறையளவிலான கோவிட்-19 தடுப்பூசிகள் உலகளாவிய மற்றும் சமமான அணுகலை உறுதிப்படுத்த மிகவும் முன்னேறிய நாடுகளும் மருந்து நிறுவனங்களும் மறுத்ததை அது மேற்கோளிட்டது. எந்த விளக்கமும் இன்றி, “அரசாங்கங்களால் எடுக்கப்பட்ட நடவடிக்கைகளில் உள்ள பெரும் ஏற்றத்தாழ்வு” குறித்து அது குறிப்பிட்டது, அதாவது இந்த வைரஸ் பரவுவதைத் தடுத்திருக்கக் கூடிய சீனாவால் ஆரம்பத்தில் தழுவப்பட்ட கடுமையான நடவடிக்கைகளை எடுக்க அனைத்து அரசாங்கங்களும் மறுத்தன.

உலக மனித அபிவிருத்தி குறியீட்டு (HDI) மதிப்பானது 2023 ஆம் ஆண்டில் கணிக்கப்பட்ட மிக உயர்ந்த நிலைக்கு மீண்டுள்ளது. ஆனால், இது பெருந்தொற்று நோய்க்கு முந்தைய அதன் திட்டமிடப்பட்ட போக்கை விட குறைவாக உள்ளது மற்றும் நாடுகளிடையே ஆழமான வேறுபாட்டை மூடிமறைக்கின்றன. பொருளாதார ஒத்துழைப்பு மற்றும் மேம்பாட்டு அமைப்பின் (OECD) அனைத்து 38 உறுப்பினர்களும் 2019 ஆம் ஆண்டில் தங்கள் நிலைகளுடன் ஒப்பிடும்போது அதிக உலக மனித அபிவிருத்தி குறியீட்டு (HDI) மதிப்பெண்களை அடைந்தனர். ஆனால் பெருந்தொற்று நோய்களின் போது தங்கள் உலக மனித அபிவிருத்தி குறியீட்டு (HDI) சரிவைக் கண்ட 35 குறைந்த வளர்ச்சியடைந்த நாடுகளில், பாதிக்கும் மேற்பட்டவை (328 மில்லியன் மக்களைக் கொண்ட 18 நாடுகள்) இன்னும் 2019 நிலைகளுக்கு மீளவில்லை.

“வளர்ச்சியடைந்துவரும்” பிராந்தியங்கள் எதுவும் 2019 க்கு முந்தைய போக்கின் அடிப்படையில் எதிர்பார்க்கப்பட்ட உலக மனித அபிவிருத்தி குறியீட்டு (HDI) அளவை பூர்த்தி செய்யவில்லை, அதற்கு பதிலாக குறைந்த உலக மனித அபிவிருத்தி குறியீட்டு (HDI) பாதைக்கு மாறுகின்றன மற்றும் இந்த இழப்புகள் நிரந்தரமாக இருக்கக்கூடும் என்பதைக் குறிக்கிறது. இது ஆப்கானிஸ்தான் மற்றும் உக்ரைனில் மிகவும் கூர்மையாகக் காணப்படுகிறது, ஆப்கானிஸ்தானின் உலக மனித அபிவிருத்தி குறியீட்டானது (HDI) 10 ஆண்டுகளிலும், உக்ரேனின் உலக மனித அபிவிருத்தி குறியீட்டு (HDI) 2004 க்குப் பிறகு மிகக் குறைந்த மட்டத்திலும் உள்ளது.

உலக மனித அபிவிருத்தி குறியீட்டு (HDI) மதிப்பானது, ஒரு முக்கியமான மதிப்பு என்றாலும், மனித வளர்ச்சியை அளவிடுவதற்கான ஒரு முரட்டுத்தனமான அளவுகோல் என்று அது எச்சரிக்கிறது. நெடுங் கோவிட், மனநலக் கோளாறுகளின் அதிகரிப்பு, பெண்களுக்கு எதிரான வன்முறை மற்றும் பள்ளிக் கல்வி இழப்பு உள்ளிட்ட நோய்களின் பலவீனப்படுத்தும் விளைவுகள் போன்ற முக்கியமான காரணிகளை இது முழுமையடையாமல் பிரதிபலிக்கிறது, அதே நேரத்தில் 15 மில்லியன் உயிர்களின் இழப்பு உட்பட சில இழப்புகளை ஒருபோதும் மீட்டெடுக்க முடியாது. பெருந்தொற்று நோய்க்கு முன்பே, பெரும்பாலான நாடுகளில் சுயமாக அறிவிக்கப்பட்ட மன அழுத்தம், சோகம் மற்றும் கவலை ஆகியவை அதிகரித்தன, இது சமீபத்திய மனித மேம்பாட்டு அறிக்கைகள் உள்ளடக்கிய அதிருப்தி உணர்வுடன் சேர்ந்து, 2019 இல் ஏராளமான சமூக போராட்டங்களுக்கு வழிவகுத்தது.

சமத்துவமின்மையானது கணிசமான பொருளாதார ஒன்றுகுவிப்பால் குவிக்கப்படுகிறது என்று அந்த அறிக்கை எச்சரிக்கிறது. எடுத்துக்காட்டாக, பொருட்களின் உலகளாவிய வர்த்தகத்தில் கிட்டத்தட்ட 40 சதவீதம் மூன்று அல்லது நான்கு நாடுகளில் குவிந்துள்ளது என்று அது கூறுகிறது. அதே நேரத்தில் 2023 ஆம் ஆண்டில் உலகின் மூன்று பெரிய தொழில்நுட்ப நிறுவனங்களில் ஒவ்வொன்றின் சந்தை மூலதனமயமாக்கலும் அந்த ஆண்டில் 90 சதவீதத்திற்கும் அதிகமான நாடுகளின் மொத்த உள்நாட்டு உற்பத்தியை (GDP) விஞ்சியது.

ஐக்கிய நாடுகளின் மனித அபிவிருத்தி அறிக்கையானது (UNHD) உலகின் வளர்ச்சியடைந்து வரும் ஒருவருக்கொருவர் சார்ந்திருப்பது குறித்தும் கவனத்தை ஈர்த்தது.

* இடைநிலைப் பொருட்களின் வர்த்தகம் இப்போது இறுதிப் பொருட்களின் வர்த்தகத்தை விட சற்று அதிகமாக உள்ளது, சரக்குகள் 60 ஆண்டுகளுக்கு முன்பு இருந்ததை விட இரண்டு மடங்கு தூரம் மற்றும் அதிக எல்லைகளைக் கடந்து பயணிக்கின்றன.

* உக்ரேனில் ரஷ்யாவுக்கு எதிராக அமெரிக்கா/நேட்டோ தலைமையிலான போர் வெடித்ததைத் தொடர்ந்து பணவீக்கத்தை எதிர்த்துப் போராட மத்திய வங்கிகள் வட்டி விகிதங்களை உயர்த்தியதில் இருந்து, குறைந்த மற்றும் நடுத்தர வருவாய் நாடுகளின் கடன் சேவை அளவுகள் ஊதிப் பெருகியுள்ள நிலையில், நிதி பரஸ்பர சார்பு அதிகரித்துள்ளது.

* டிஜிட்டல் சேவைகள் ஏற்றுமதி இப்போது சேவைகளின் உலகளாவிய வர்த்தகத்தில் பாதிக்கும் மேல் உள்ளது. கிட்டத்தட்ட எல்லோரும் இப்போது கைத்தொலைபேசி பிராட்பேண்ட் வலையமைப்பின் வரம்பிற்குள் உள்ளனர், 2023 ஆண்டு உலகின் 8 பில்லியன் மக்கள்தொகையில் 5.4 பில்லியன் பேர்கள் இணையத்தளத்தைப் பயன்படுத்துகின்றனர்.

* 1970 க்குப் பின்னர் இருந்து அவர்களின் பிறந்த நாட்டிற்கு வெளியே வாழும் மக்களின் எண்ணிக்கை, 84 மில்லியனில் இருந்து 2020 இல் அண்மித்து 280 மில்லியனாக, மூன்று மடங்காக அதிகரித்துள்ளது, இது உலக மக்கள்தொகையில் 3.6 சதவீதத்திற்கு சமமாகும். சமூக, கலாச்சார மற்றும் பொருளாதார உறவுகளை அதிகரிப்பதோடு, இது எல்லை தாண்டிய நிதிப் பாய்ச்சல்களை இயக்குகிறது.

கூடுதலாக, பெருந்தொற்று நோய், காலநிலை மாற்றம், பல்லுயிர் இழப்பு, மாசுபாட்டின் எல்லை தாண்டிய தாக்கங்கள் மற்றும் புதிய மற்றும் மீண்டும் வளர்ந்து வரும் ஜூனோடிக் நோய்கள் (விலங்குகளிடமிருந்து மனிதர்களுக்கு பரவக்கூடிய நோய்கள்) ஆகியவைகள் எல்லைகளை அங்கீகரிக்காத எதிர்கால பெருந்தொற்று நோய்களுக்கு வழிவகுக்கும் என்று அறிக்கை மேற்கோள் காட்டுகிறது. உலகின் ஒவ்வொரு மூலையிலும் அரசியல் தேர்வுகளால் உந்தப்படும் அபாயகரமான பூமிக் கிரக மாற்றத்தின் விளைவுகளை உணர்ந்து வருகிறது என்று அது எச்சரிக்கிறது, அதேவேளையில் புவிசார் அரசியல் பதட்டங்கள், போர்கள் மற்றும் மோதல்கள் மனித அபிவிருத்திக்கு தீங்கு விளைவிக்கின்றன—அதாவது நேரடியாக சம்பந்தப்பட்ட நாடுகளுக்கும், பெரும்பாலும் மற்றய பல நாடுகளுக்கும் ஆகும். காஸா, உக்ரேன் மற்றும் யேமன் போர்கள் பல தலைமுறைகளாக ஈட்டப்பட்ட மனித அபிவிருத்தி ஆதாயங்களை தலைகீழாக மாற்றியமைத்து, இளைஞர்களுக்கான வாய்ப்புகளை சுருக்கி வருகின்ற நிலையில், இந்த மோதல்கள் புவியியல் எல்லைகளை மட்டுமல்ல, மாறாக தலைமுறை எல்லைகளையும் கடந்து பரவி வருகின்றன.

தங்கள் சொந்த எல்லைகளுக்கு வெளியே மோதல்களில் ஈடுபடும் நாடுகளின் எண்ணிக்கை கடந்த தசாப்தத்தில் ஐந்து மடங்கு அதிகரித்துள்ளது. 2022 ஆம் ஆண்டில் 55 அரசு அடிப்படையிலான மோதல்களில், 22 சர்வதேசமயமாக்கப்பட்டன, 2000 ஆண்டுடன் ஒப்பிடும்போது இது 37 இல் 4 அரச மோதல்கள் மட்டுமே இருந்தன. இது, துன்புறுத்தல் மற்றும் மனித உரிமை மீறல்களுடன் சேர்ந்து, 108 மில்லியன் மக்களை அவர்களின் வீடுகளை விட்டு வெளியேற நிர்பந்தித்தது, இது இரண்டாம் உலக போருக்குப் பிந்தைய மிகப் பெரிய எண்ணிக்கையாகும் மற்றும் 2010 ஐ விட இரண்டரை மடங்கு அதிகமாகும், சமீபத்திய இடம்பெயர்வுகள் —காஸாவில் பாலஸ்தீனியர்கள் மற்றும் ஆர்மீனியா அகதிகள் நெருக்கடி போன்றவை இதில் சேர்க்கப்படவில்லை.

உலகளவில் ஐந்தில் ஒரு குழந்தை மோதல்களில் வாழ்கிறது அல்லது தப்பி ஓடுகிறது. உலக அகதிகளில் சுமார் 80 சதவீதம் பேர் பெரும்பாலும் குறைந்த மற்றும் நடுத்தர வருமானம் கொண்ட நாடுகளில் வாழ்கின்றனர். மனிதாபிமான உதவி தேவைப்படும் மக்களின் எண்ணிக்கை 2024 இல் 300 மில்லியனை எட்டும் என்று எதிர்பார்க்கப்படுகிறது, அதே நேரத்தில் மனிதாபிமான உதவிக்கு கிடைக்கும் நிதி தேவைப்படும் மட்டத்திற்கு அருகில் கூட வரவில்லை.

இந்த அறிக்கையானது “ஜனரஞ்சகவாதத்தின்” வளர்ச்சி குறித்து புலம்புகிறது, இது சமூக சமத்துவமின்மை மற்றும் பரவலான “நிச்சயமற்ற சிக்கல்” ஆகியவற்றால் எரியூட்டப்பட்டுள்ளது, சமீபத்திய ஆண்டுகளில், அதன் திசையில் ஒரு குறிப்பிடத்தக்க பிளவு ஏற்பட்டுள்ளது, இது தடுக்கப்பட்டிருக்கலாம். ஒரு தற்காலிகச் சிக்கலுக்குப் பதிலாக, அது அதன் நோக்கம் கொண்ட போக்கில் இருந்து குறிப்பிடத்தக்க வேறுபாட்டைப் போல் தெரிகிறது’’. ஜனரஞ்சகவாத அரசாங்கங்களைக் கொண்ட நாடுகள் குறைந்த மொத்த உள்நாட்டு உற்பத்தி வளர்ச்சி விகிதங்களைக் கொண்டுள்ளன என்பதைக் காட்டும் ஆராய்ச்சிகளை அது மேற்கோளிடுகிறது—இது ஜனரஞ்சகமல்லாத அரசாங்க சூழ்நிலையின் கீழ் எதிர்பார்க்கப்படுவதை விட 10 சதவீதம் குறைவு ஆகும்.

இதுபோன்ற எல்லா அறிக்கைகளையும் போலவே, அதன் ஆசிரியர்களும் இந்த சவால்களை எதிர்கொள்ளவும் சமத்துவத்தை ஊக்குவிக்கவும் “உலகளாவிய பொதுப் பொருட்களின் ஒரு புதிய தலைமுறையை” அபிவிருத்தி செய்வதிலும் செயல்படுத்துவதிலும் முக்கிய பாத்திரம் வகிக்க “பன்முகத்தன்மைக்கு” அழைப்பு விடுத்தனர். இத்தகைய திவாலான முன்னோக்கு, தங்கள் சொந்த பூகோள வங்கிகள், பெருநிறுவனங்களின் நலன்களுக்காக செயல்படும் முக்கிய முதலாளித்துவ சக்திகளின் ஆதிக்கத்திற்கு உட்பட்ட இதே பன்னாட்டு அமைப்புக்கள், அவை ஆவணப்படுத்தியுள்ள வழிவகைகளுக்கு எரியூட்டியுள்ளன என்பதற்கான அனைத்து சான்றுகளையும் எதிர்கொள்கின்றன.

உலகளாவிய சமத்துவமின்மையை அகற்றுவதற்கு, தொழிலாள வர்க்கத்தை சுரண்டுபவர்கள், அதாவது முதலாளித்துவ வர்க்கம், அதன் அரசாங்கங்கள், பெருநிறுவனங்கள் மற்றும் வங்கிகளுக்கு எதிராக சர்வதேச அளவில் பாரியளவில் அணிதிரள்வதைக் கோருகிறது. இதற்கு, முன்னேறிய மற்றும் குறைந்த அபிவிருத்தி அடைந்த நாடுகளில் உள்ள தொழிலாளர்களையும் இளைஞர்களையும் ஐக்கியப்படுத்தி, உலகமானது விரோத தேசிய அரசுகளாக பிளவுபட்டிருப்பதை முடிவுக்குக் கொண்டுவரவும், உலக சோசலிசப் புரட்சிக்கான ஒரு போராட்டத்தின் ஊடாக இலாபத்திற்காக அல்லாமல் தேவைக்கேற்ப திட்டமிட்ட உற்பத்தியை அமுல்படுத்துவதும் அவசியமாகும்.