மொழிபெயர்ப்பின் மூலக் கட்டுரையை இங்கே காணலாம். 

ஈரானுக்கு எதிராக அமெரிக்க ஏகாதிபத்தியம் தொடுத்திருக்கும் போரின் தோற்றுவாய்கள், அதைத் தூண்டும் சமூக சக்திகள் மற்றும் அதை நிறுத்துவதற்குத் தேவையான மூலோபாயம் ஆகியவற்றை விளக்குவதற்காக, உலக சோசலிச வலைத் தளம் இந்த ஞாயிற்றுக்கிழமை, மார்ச் 8 அன்று அவசர உலகளாவிய இணையவழி கருத்தரங்கை நடத்தியது. கருத்தரங்கின் ஒளிப்பதிவைப் பார்வையிட இங்கே சொடுக்கவும்.

ஈரானுக்கு எதிரான கொடூரமான ஏகாதிபத்தியத் தாக்குதலைத் தடுப்பதற்கான மூலோபாயம் மற்றும் வேலைத்திட்டத்தை வகுப்பதற்காக, உலக சோசலிச வலைத் தளம் இந்த ஞாயிற்றுக்கிழமை ஒரு சர்வதேச இணையவழி கருத்தரங்கிற்கு ஏற்பாடு செய்துள்ளது. இந்தக் கலந்துரையாடலின் நோக்கம், போருக்கு எதிரான போராட்டத்தை, அதன் அவசியமான வரலாற்று, அரசியல் மற்றும் சமூகப் பின்னணியில் வைப்பதாகும். வெள்ளை மாளிகை, பெருநிறுவன ஊடகங்கள் மற்றும் அனைத்து ஏகாதிபத்திய அரசாங்கங்களாலும் பரப்பப்படும் முடிவற்ற பொய்ப் பிரச்சாரங்கள் மற்றும் தவறான தகவல்களை இந்த இணையவழி கருத்தரங்கு முறியடிக்கும்.

எமது கண்களுக்கு முன்னே விரிவடைந்து கொண்டிருப்பது 90 மில்லியனுக்கும் அதிகமான மக்கள் வாழும் ஒரு நாட்டிற்கு எதிரான அழித்தொழிப்புப் போராகும். ஒரே வாரத்தில், அமெரிக்காவும் இஸ்ரேலும் ஈரானின் உச்ச தலைவரையும், டசின் கணக்கான மூத்த அதிகாரிகளையும் படுகொலை செய்துள்ளன. மினாப்பில் உள்ள ஒரு சிறுமியர் பள்ளியின் மீது குண்டுவீசி சுமார் 150 சிறுவர்களைக் கொன்றுள்ளன. மேலும் அவை, நாடு முழுவதிலும் உள்ள மருத்துவமனைகள் மற்றும் சிவிலியன் உள்கட்டமைப்புகளைத் தாக்கி வருகின்றன. இந்தியப் பெருங்கடலில் ஆயுதம் ஏந்தாத ஈரானிய போர்க்கப்பல் ஒன்று நீர்மூழ்கி ஏவுகணைத் தாக்குதல் மூலம் தகர்க்கப்பட்டதில் 180 மாலுமிகள் உயிரிழந்தனர். இதுவரை 1,000-க்கும் மேற்பட்ட ஈரானியர்கள் கொல்லப்பட்டுள்ளனர். நவீன வரலாற்றிலேயே இதுவே மிகவும் பயங்கரமான வான்வழித் தாக்குதல் என்று ட்ரம்ப் நிர்வாகம் பெருமை பீற்றிக் கொள்கிறது. இவை அனைத்தும் போர்க்குற்றங்கள் ஆகும்.

இந்தப்போர் லெபனான் மற்றும் மத்திய கிழக்கு முழுவதும் விரிவடைந்து வருகிறது. பிரெஞ்சு போர்க் கப்பல்கள் கிழக்கு மத்திய தரைக்கடல் பகுதியில் ரோந்துப் பணியில் ஈடுபட்டுள்ளன. ஈரானுக்குள் உள்நாட்டுப் போரைத் தூண்டுவதற்காக குர்திஷ் பிரிவினைவாதிகளுக்கு வாஷிங்டன் ஆயுதம் வழங்கி வருகிறது. ஒவ்வொரு ஏகாதிபத்திய சக்தியும் இந்தக் குற்றவியல் நடவடிக்கைக்குப் பின்னால் அணிவகுத்து நிற்கின்றன.

1953-ல் சி.ஐ.ஏ மூலமாக முதலாளித்துவ தேசியவாத பிரதமரான மொசாடெக்கை பதவியிறக்கியது முதல், கடந்த ஜூன் மாதம் ஈரானின் அணுசக்தி நிலையங்கள் மீது குண்டுவீசியது வரை, அமெரிக்கா 70 ஆண்டுகளுக்கும் மேலாக ஈரான் மீது இடைவிடாத ஆக்கிரமிப்பை முன்னெடுத்து வந்துள்ளது. இந்தப் போர் காஸாவில் நடந்துகொண்டிருக்கும் இனப்படுகொலையிலிருந்து பிரிக்க முடியாதது ஆகும். காஸா ஒரு பரிசோதனைக் களமாகவும், தற்போது மிகப் பெரிய அளவில் கையாளப்படும் வழிமுறைகளுக்கான அரசியல் முன்னுதாரணமாகவும் அமைந்துள்ளது.

இது வெறும் டொனால்ட் ட்ரம்ப்பின் மதிகெட்ட அதிகார வெறியினால் விளைந்தது மட்டுமல்ல. இது 1991-ல் சோவியத் யூனியன் கலைக்கப்பட்டதிலிருந்து, கடந்த 35 ஆண்டுகளில் அனைத்து ஏகாதிபத்திய அரசாங்கங்களின் ஆதரவுடன் அமெரிக்காவால் தொடங்கப்பட்ட போர்களில் மிக சமீபத்தியதும் மிகக் கொடூரமானதுமாகும்.

இந்தப் போர் ஈரானிய மக்களுக்கு எதிராக மட்டும் தொடுக்கப்படவில்லை. இது உலகம் முழுவதிலுமுள்ள உழைக்கும் மக்களுக்கு எதிரான வன்முறைமிக்க உலகளாவிய போரின் ஒரு பகுதியாகும்.

ஈரானின் “நிபந்தனையற்ற சரணாகதியுடன்” இந்தப் போர் முடிவடையும் என்று ட்ரம்ப் இப்போது அறிவிக்கிறார். அமெரிக்க மற்றும் உலக ஏகாதிபத்தியத்திற்கு இந்தப் போரை ஒரு முழுமையான, நிபந்தனையற்ற தோல்வியாகவும் பேரழிவாகவும் மாற்றுவதே தொழிலாள வர்க்கத்தின் கடமையாகும்.

ஈரானின் “நிபந்தனையற்ற சரணடைதலுடன்” போர் முடிவுக்கு வரும் என்று ட்ரம்ப் இப்போது பிரகடனம் செய்கிறார். இந்தப் போரை அமெரிக்க மற்றும் உலக ஏகாதிபத்தியத்திற்கு ஒரு முழுமையான மற்றும் நிபந்தனையற்ற தோல்வியாகவும், பேரழிவாகவும் மாற்றுவதே தொழிலாள வர்க்கத்தின் கடமையாகும்.

ஏகாதிபத்திய அரசாங்கங்களிடமோ அல்லது அரசியல்வாதிகளிடமோ கோரிக்கை வைப்பதன் மூலம் இந்தப் போரை நிறுத்த முடியாது. ஈரானிய மக்களின் பாதுகாப்பிற்கும், போர்க்குற்றவாளிகளின் தோல்விக்கும் உலக முதலாளித்துவத்திற்கு எதிராக உலகளாவிய தொழிலாள வர்க்கத்தின் அரசியல் அணிதிரட்டல் அவசியமாகும். இதை ஒரு சர்வதேச சோசலிச மூலோபாயத்தின் அடிப்படையில் மட்டுமே சாதிக்க முடியும்.

இந்த இணையவழி கருத்தரங்கானது, வரலாற்று, கருத்தியல் மற்றும் அரசியல் சார்ந்த பரந்த அளவிலான சிக்கல்கள் குறித்து சோசலிச நிபுணர்களின் சர்வதேசக் குழுவினால் நடத்தப்படும் கலந்துரையாடல் மற்றும் பகுப்பாய்வைக் கொண்டிருக்கும். இந்தக் குழுவினர் போருக்கான காரணங்களையும் அதன் சர்வதேச பரிமாணங்களையும் ஆராய்வார்கள்.

இன்றே wsws.org/iranwebinar இல் பதிவு செய்யுங்கள். உங்கள் சக தொழிலாளர்கள், குடும்பத்தினர் மற்றும் நண்பர்களுக்கு இதுபற்றி தெரியப்படுத்துங்கள். இந்தக் குற்றவியல் ஏகாதிபத்தியப் போரை நிறுத்துவதற்கான ஒரு சக்திவாய்ந்த இயக்கத்தைக் கட்டியெழுப்புவதற்கு இந்த இணையவழிக் கருத்தரங்கு மிகவும் பங்களிப்பு செய்யும்.