மொழிபெயர்ப்பின் மூலக் கட்டுரையை இங்கே காணலாம்

ரஷ்யாவுடனான இராணுவ மோதலை நியாயப்படுத்துவதில் பைடென் நிர்வாகத்தின் தாக்குதல் நாயாக இங்கிலாந்து செயல்படுகிறது. அதன் சமீபத்திய ஆத்திரமூட்டல், அமெரிக்காவினால் தூண்டிவிடப்படும் போருக்கான உந்துதலுக்கு மாஸ்கோவைக் குற்றஞ்சாட்டும் ஒரு வெளிப்படையான முயற்சியாகும்.

வெளியுறவு செயலாளர் லிஸ் ட்ரஸ் கையெழுத்திட்ட ஒரு செய்திக்குறிப்பை சனிக்கிழமை மாலை, வெளியுறவு அலுவலகம் வெளியிட்டது, விளாடிமிர் புட்டினின் அரசாங்கம் 'உக்ரேனை ஆக்கிரமித்து, கட்டுப்படுத்திக்கொள்ளலாமா என்பதை கருத்தில் கொண்டு, கியேவில் ஒரு ரஷ்ய சார்பு தலைவரை நிறுவ பார்க்கிறது' என்று அது கூறுகிறது.

உக்ரேனிய முன்னாள் பாராளுமன்ற உறுப்பினர் எவ்ஜென் முராயேவ் ரஷ்ய உளவுத்துறையுடன் தொடர்பு கொண்ட 'சாத்தியமான வேட்பாளர்' என்று பெயரிடப்பட்டார். உக்ரேனின் முன்னாள் துணைப் பிரதமரும், பின்னர் உக்ரேனின் செயல் பிரதமருமான செர்ஜி அர்புசோவ், முன்னாள் துணைப் பிரதமரும், ஜனாதிபதி விக்டர் யானுகோவிச்சின் தலைமை அதிகாரியுமான ஆண்ட்ரி க்ளூயேவ், உக்ரேனின் தேசிய பாதுகாப்பு மற்றும் பாதுகாப்பு கவுன்சிலின் முன்னாள் துணைத் தலைவர் விளாடிமிர் சிவ்கோவிச் மற்றும் முன்னாள் பிரதமர் மைகோலா அசரோவ் ஆகியோரும் குறிப்பிடப்பட்டனர்.

பெயரிடப்பட்டவர்களில் பெரும்பாலானோர் ரஷ்யாவில் வாழ்கின்றனர், மேலும் 'ரஷ்ய தலைமையுடனான அவர்களின் உறவுகள் இரகசியமானவை அல்ல, மாறாக பொது அறிவு' என்று கூற வேண்டிய கட்டாயம் அப்சர்வருக்கு ஏற்பட்டது. உக்ரேனுக்கான உத்தேசமான ரஷ்ய சார்பு ஜனாதிபதி வேட்பாளர் என்று கூறப்படும் முராயேவ் செய்தித்தாளிடம் கூறினார்: 'நான் ரஷ்யாவில் இருந்து தடை செய்யப்பட்டுள்ளேன். மேலும், எனது தந்தையின் நிறுவனப் பணமும் பறிமுதல் செய்யப்பட்டது” என்றார்.

போர் அச்சுறுத்தல் குறித்தும், அதற்கு யார் பொறுப்பு என்பது குறித்தும் பிரிட்டிஷ் அரசாங்கமும் அதன் உளவுத்துறை அமைப்புகளும் எதைச் சொன்னாலும், அது பொய்களின் தொகுப்பே தவிர வேறில்லை என்பதை வரலாறு நிரூபித்துள்ளது.

2002-3 இல், டோனி பிளேயரின் தொழிற் கட்சி அரசாங்கம் ஈராக்கிற்கு எதிரான போரை தயாரிப்பதில் புஷ் நிர்வாகத்திற்கு தனது சேவைகளை வழங்கியது. மார்ச் 2002 இல், டெக்சாஸில் உள்ள Crawford இல் புஷ்ஷைச் சந்தித்த பிளேயர், ஈராக் மீதான போருக்கு ஆதரவளிப்பதாக உறுதியளித்தார், மேலும் வெளியுறவுத்துறை செயலர் கொலின் பவலின் கூற்றுப்படி, 'சர்வதேச அமைதிக்கான தற்போதைய ஈராக்கிய அச்சுறுத்தல்கள் குறித்து நம்பகமான பொதுக் கருத்தை எவ்வாறு உருவாக்குவது' மற்றும் '[ஐக்கிய நாடுகளின் பாதுகாப்பு சபையில்] ஆசீர்வாதத்திற்கான அழைப்புகளை எவ்வாறு கையாள்வது என்பது பற்றிய 'யோசனைகளை பரிந்துரைக்கவும்', பிராந்தியத்திலும் இங்கிலாந்து மற்றும் ஐரோப்பிய பார்வையாளர்களிடம் எங்களுக்கு ஆதரவை அதிகரிக்கவும்' உறுதியளித்தார்.

MI5 மற்றும் MI6, CIA இன் ஆதரவுடன், ஏற்கனவே தீர்மானிக்கப்பட்ட போர் நோக்கங்களை முன்னெடுப்பதற்காக அவர்கள் பொய் என்று தெரிந்த ஆதாரங்களை சேகரித்தனர் - செப்டம்பர் 2002 ஆவணம் ஈராக் பேரழிவுக்கான ஆயுதங்களைக் கொண்டுள்ளது என்றும்
மற்றும் பிப்ரவரி 2003 இன் 'மோசடியான ஆவணம்' ('Dodgy dossier') பெரும்பாலும் ஒரு பட்டதாரி மாணவர் ஒரு ஆய்வறிக்கையில் இருந்து திருடப்பட்டது என்றும் உறுதிப்படுத்தப்பட்டது

கற்பனை செய்ய முடியாத விளைவுகளுடன் ஏகாதிபத்திய வன்முறைச் செயலை நியாயப்படுத்த மீண்டும் ஒரு பயங்கரமான பொய் வடிவமைக்கப்பட்டுள்ளது. ஒரு படையெடுப்பைத் தொடர்ந்து அரசாங்கத்தைக் கைப்பற்றுவதற்கு ரஷ்ய உளவுத்துறை தற்போதைய மற்றும் முன்னாள் உக்ரேனிய அரசாங்க அதிகாரிகளை ஆட்சேர்ப்பு செய்வதாக ஜனவரி 20 அன்றைய பைடென் நிர்வாகத்தின் கூற்றை வலுப்படுத்த, இங்கிலாந்து முயல்கிறது, அதே இழிந்த கூட்டணி மீண்டும் காட்சியில் உள்ளது.

பிரிட்டிஷ் ஏகாதிபத்தியம் எப்போதும் தனது சொந்த நலன்களை உலகளவில் முன்னிறுத்துவதற்காக அமெரிக்காவுடனான அதன் உறவைப் தொடர்ந்து பயன்படுத்திக் கொள்ள முயல்கிறது. இந்த குற்றவியல் கொள்கை பிரெக்ஸிட்டிற்குப் பின்னர், பிரிட்டனின் உலகளாவிய நிலையின் சரிவை எதிர்ப்பதற்கும் அதன் ஐரோப்பிய போட்டியாளர்களின் சவாலை எதிர்கொள்வதற்கும் ஒரு வழிமுறையாக இன்னும் அதிக முக்கியத்துவம் பெற்றது.

இப்போது பிரதம மந்திரி போரிஸ் ஜோன்சனின் கன்சர்வேட்டிவ் அரசாங்கம், ஒரு பொங்கி வரும் பொருளாதார நெருக்கடியால் பாதிக்கப்பட்டுள்ளது, அதன் கொலைகாரக் கொள்கையான சமூக நோயெதிர்ப்பு சக்தி பெருக்கும் கொள்கைக்காக பரவலாக வெறுக்கப்படுகிறது மற்றும் தொற்றுநோயை மேம்படுத்த முயற்சிக்கும் அனைத்து நடவடிக்கைகளையும் முடிவுக்குக் கொண்டுவர ஆர்வமாக உள்ளது, தன்னைக் காப்பாற்றிக் கொள்வதற்கான ஒரு வழிமுறையாக போர் உந்துதலை கையிலெடுக்கிறது. இலக்கு, உக்ரேனின் 'தற்காப்பு' என்று கூறப்படும் போராட்டத்தை வலுப்படுத்துவதல்ல, மாறாக நேட்டோ சக்திகளால் ஆக்கிரோஷமான ரஷ்ய-எதிர்ப்புத் தாக்குதலுக்கான நிலைமைகளை உருவாக்குவதே ஆகும்.

இதைத் தெளிவுபடுத்துவதற்காக, வெளியுறவு அலுவலக செய்திக்குறிப்பு, பிளேயரின் 'விருப்பமுள்ளவர்களின் கூட்டணி'யின் புதிய பதிப்பை நிறுவுவதற்கு ஜோன்சன் போராடுவதாக மற்றொரு செய்தியை வெளியிட்டது, இந்த முறை ரஷ்ய-விரோத கூட்டணி.

இது பிரான்ஸ் மற்றும் ஜேர்மனி மீதான விமர்சனங்களையும், ரஷ்யாவை எதிர்கொள்வதில் பிரிட்டனின் அதிக உறுதிப்பாட்டையும் மையமாகக் கொண்டது. இது ஜோன்சனை ஒரு ஒருங்கிணைந்த நேட்டோவின் பாதுகாவலராக முன்வைத்தது. உக்ரேன் நெருக்கடிக்கு, ஒரு வலுவான ஐரோப்பிய பாதுகாப்பு தூண் மூலம் சுதந்திரமாக பதிலளிப்பது என்ற பிரெஞ்சு ஜனாதிபதி இமானுவல் மக்ரோனின் ஆலோசனையை, சமாதானப்படுத்துவதற்கான ஒரு வடிவமாக இந்த செய்திக்குறிப்பு தாக்கியது. 'எல்லையில் பரவி வரும் ஆக்கிரமிப்புகளை எதிர்கொள்ளும் நேரத்தில் ஐரோப்பாவின் மூலோபாய சுயாட்சி பற்றிய உரையாடலைத் தொடங்குவதற்கான நேரம் இதுவல்ல என்று சமீப நாட்களில் பிரதமர் தெளிவாகக் கூறி வருகிறார்' என்று அது கூறியது. ஜேர்மனிக்கு ரஷ்ய எரிவாயுவை எடுத்துச் செல்லும் Nord Stream 2 குழாய்வழிக்கு ஜோன்சன் கூறிய எதிர்ப்பும் குறிப்பிடத்தக்கது.

'நாட்டை உலுக்கிய ஒரு அரசியல் ஊழலுக்கு மத்தியில் வந்த உளவுத்துறையின் வெளியீட்டின் நேரமும் வினோதமான சூழ்நிலைகளும் இன்னும் இழிந்த கேள்வியை எழுப்பின' என்று நியூ யோர்க் டைம்ஸ் எழுதியது. “அதாவது: பிரிட்டன் அரசாங்கத்தில் உள்ள சிலர், பிரதமர் போரிஸ் ஜோன்சனை வீழ்த்த அச்சுறுத்தும் பிரச்சினைகளில் இருந்து திசைதிருப்ப ஆர்வமாக உள்ளனர் […] சில பழமைவாத பாராளுமன்ற அங்கத்தவர்கள், இது போன்ற நேரத்தில் அதிகாரத்தின் உச்சத்தில் உள்ள குழப்பமான தலைமையால் பிரிட்டனின் போரை தாங்க முடியாது என்று எச்சரிக்கின்றனர்.. ரஷ்யாவைப் பற்றிய கடுமையான பேச்சு, பழமைவாத வலதுசாரிகளுக்கு முறையீடு செய்கிறது, மேலும் சில இலட்சிய அரசியல்வாதிகள் பதட்டங்களைப் பயன்படுத்திக் கொள்கிறார்கள் என்று விமர்சகர்கள் கூறுகின்றனர்.”

இத்தகைய 'இலட்சிய அரசியல்வாதிகளில்' ஒருவரான பாதுகாப்புத் தேர்வுக் குழுவின் கன்சர்வேடிவ் தலைவர் டோபியாஸ் எல்வுட் பிபிசியிடம் கூறினார்: 'இது உக்ரேனைப் பற்றியது மட்டுமல்ல, புட்டின் உக்ரேனுக்கு அப்பால் செல்வாக்கு மண்டலத்தை நிறுவ விரும்புவதைப் பற்றியது”. …. நேட்டோ ஒரு பொதுவான நோக்கத்தை உருவாக்க வேண்டும். உக்ரேனில் ரஷ்ய 'ஆக்கிரமிப்பு' 'அவரது இலட்சியங்களின் இதயத்தில் உள்ள இன-தேசியவாதத்தில்' இருந்து வந்ததே தவிர, 'நேட்டோ தலையீட்டின் வைக்கோல் மனிதரிடமிருந்து' அல்ல' என பாதுகாப்பு செயலர் பென் வாலஸ் டைம்ஸில் எழுதினார்.

ரஷ்யாவை ஆக்கிரமிப்பாளராக சித்தரிப்பதற்கான அனைத்து முயற்சிகளும், ஜனவரி 18 அன்று வெளியிடப்பட்ட “உக்ரேனுக்கு இராணுவ உதவி” என்ற உத்தியோகபூர்வ பிரிட்டிஷ் அரசாங்க ஆய்வு அறிக்கை குறிப்பால் மறுக்கப்படுகின்றன.

2015 இல் உக்ரேனின் இராணுவத்திற்கு பயிற்சி அளிக்க பிரிட்டிஷ் அரசாங்கத்தின் முடிவோடு தொடங்கிய கியேவ், அமெரிக்கா, பிரிட்டன் மற்றும் நேட்டோ ஆகியவற்றுக்கு இடையேயான இராணுவ உறவுகளின் குறிப்பிடத்தக்க விரிவாக்கத்தை இந்த மாநாடு சுட்டிக்காட்டுகிறது. இன்று அது, 'மேம்படுத்தப்பட்ட பாதுகாப்பு ஒத்துழைப்பு', உக்ரேனின் கடற்படை திறன்களை விரிவுபடுத்தும் நோக்கத்தின் பிரகடனம் மற்றும் 1.7 பில்லியன் பவுண்டுகள் கடனை விடுவிக்கிறது.

'உக்ரேனிய கடற்படையுடன் கூட்டுப் பயிற்சிகளை மேற்கொள்ள, 2021 ஆம் ஆண்டு கோடையில் கோசாக் மேஸ் பயிற்சியின் ஒரு பகுதியாகவும், நேட்டோவின் வருடாந்திர கடல் தென்றல் பயிற்சியின் ஒரு பகுதியாகவும்' - ராயல் கடற்படைக் கப்பல்கள் கருங்கடல் பகுதிக்கு தொடர்ந்து அனுப்பப்படுகின்றன - ஜூன் 2021 முதல் HMS டிஃபென்டருக்கும் ரஷ்ய ஜெட் விமானங்களுக்கும் இடையே ஒரு வாக்குவாதம் .

ராயல் கடற்படையானது 'உக்ரேனிய கடற்படையுடன் கூட்டுப் பயிற்சிப் பணிகளுக்காக' கருங்கடல் பகுதிக்கு வழக்கமாக கப்பல்களை அனுப்பியுள்ளது, மிக சமீபத்தில் 2021 கோடையில் கோசாக் மேஸ் பயிற்சியின் ஒரு பகுதியாகவும், ஜூன் 2021 இல் நேட்டோவின் வருடாந்திர பயிற்சியான சீ ப்ரீஸின் ஒரு பகுதியாகவும். HMS டிஃபென்டர் மற்றும் ரஷ்ய போர் விமானங்களுக்கு இடையே ஒரு உரசல் சம்பவம் நிகழ்ந்தது.

பிரிட்டன் ஏற்கனவே எஸ்தோனியாவில் 1,200 பேர் கொண்ட பலமான போர்க் குழுவை வழிநடத்துகிறது, இதில் 830 பிரிட்டிஷ் துருப்புக்கள், 300 பிரெஞ்சு துருப்புக்கள் மற்றும் நேட்டோவின் மேம்பட்ட முன்னோக்கி இருப்பு பணியின் ஒரு பகுதியாக போலந்தில் 140 பிரிட்டிஷ் துருப்புகளும் நிறுத்தப்பட்டுள்ளனர்.

எவ்வாறாயினும், 1990 மற்றும் 2000 க்கு இடையில் வாஷிங்டன் உக்ரேனுக்கு வழங்கிய 2.6 பில்லியன் டாலர்கள் மற்றும் 2014 இல் ரஷ்ய-எதிர்ப்பு அரசாங்கத்தை நிறுவுவதற்கான அமெரிக்க-நிர்வகிக்கப்பட்ட பிரச்சாரத்தின் போது சுமார் 5 பில்லியன் டாலர்களுடன் ஒப்பிடுகையில் பிரிட்டனின் அர்ப்பணிப்பு மிகவும் மங்கியது. நேட்டோ, கருங்கடலில் தன்னை தற்காத்துக் கொள்ள, உக்ரேன் மற்றும் ஜோர்ஜியாவுடன் கடற்படை ஒத்துழைப்பை விரிவுபடுத்தியுள்ளது மற்றும் பிரிட்டிஷ், அமெரிக்க மற்றும் கனேடியப் படைகளுடன் 2020 இல் கூட்டு முயற்சியில் ஈடுபடுவது உட்பட பல கூட்டு இராணுவப் பயிற்சிகளை நடத்தியது.

இது, நேட்டோவின் விரிவாக்கம் மற்றும் ரஷ்ய எல்லையில் அல்லது அதற்கு மிக அருகில் துருப்புக்கள் மற்றும் போர் உபகரணங்களை நிலைநிறுத்துவதன் மூலம் ரஷ்யாவை சுற்றி வளைக்கும் கொள்கையாகும்.

கடந்த வாரம் பிரிட்டன் மேலும் 30 ரேஞ்சர் படைப் பிரிவிலிருந்து துருப்புக்களை உக்ரேனுக்கு அனுப்பியது மற்றும் 2,000 டாங்கி எதிர்ப்பு ராக்கெட் லாஞ்சர்களை வழங்கியது. கூடுதலாக, ரஷ்யாவை 'தடுக்க' உக்ரேனின் நேட்டோவுடன் இணைந்த மாநிலங்களுக்கு மேலும் நூற்றுக்கணக்கான துருப்புக்களை அனுப்ப பிரிட்டன் பரிசீலித்து வருவதாக பாதுகாப்பு அமைச்சக வட்டாரங்கள் தெரிவிக்கின்றன. டைம்ஸ் ஆதாரத்தின்படி, மற்ற நேட்டோ உறுப்பு நாடுகளும் இதே போன்ற நடவடிக்கைகளை பரிசீலித்து வருகின்றன.

ஞாயிற்றுக்கிழமை, நியூ யோர்க் டைம்ஸ், பைடென் நிர்வாகம் 1,000 முதல் 5,000 அமெரிக்க துருப்புக்களை ருமேனியாவிலும் பால்டிக் மாநிலங்களான எஸ்தோனியா, லாத்வியா மற்றும் லித்துவேனியாவிலும் நிறுத்த பரிசீலித்து வருவதாக தெரிவித்தது; இருப்பினும் இந்த எண்ணிக்கையை 50,000 துருப்புகளாக அதிகரிக்க முடியும். திங்களன்று, 8,500 அமெரிக்க துருப்புகள் தயார் நிலையில் வைக்கப்பட்டுள்ளனர். ஹாரி எஸ். ட்ரூமனின் விமானம் தாங்கி போர்க் குழுவில் இணைவதற்காக அமெரிக்க கடற்படை யுஎஸ்எஸ் ஜோர்ஜியா, வழிகாட்டும் ஏவுகணை நீர்மூழ்கிக் கப்பலை கிழக்கு மத்தியதரைக் கடலுக்கு அனுப்பியுள்ளது. டிசம்பரில் அங்கீகரிக்கப்பட்ட 200 மில்லியன் டாலர்கள் பாதுகாப்பு உதவிப் பொதியின் ஒரு பகுதியாக, ஞாயிற்றுக்கிழமை 90 டன் எடைகொண்ட 'கொடிய உதவிகள்' கியேவை வந்தடைந்தன.

டோரி அரசாங்கத்தால் தீவிரமாக ஆதரிக்கப்படும் இராணுவ ஆத்திரமூட்டல்களின் இந்த பாரிய பிரச்சாரத்தை தொழிலாளர்களும் இளைஞர்களும் உறுதியுடன் எதிர்க்க வேண்டும்.

வழக்கம் போல், ஜோன்சனும் அவரது கிரிமினல் கும்பலும் தொழிற் கட்சியின் முழு ஆதரவை அனுபவிக்கின்றனர். சர் கெய்ர் ஸ்டார்மர் டோரிகளின் ஊதுகுழலான டெலிகிராப்பில், 'ரஷ்ய ஆக்கிரமிப்பை பிரிட்டன் ஒடுக்க வேண்டும்' என்ற தலைப்பில் ஒரு கட்டுரை எழுதினார்.

'புட்டினின் ரஷ்யாவால் முன்வைக்கப்படும் அச்சுறுத்தலை தொழிற் கட்சி புரிந்துகொள்வது மட்டுமல்லாமல், உக்ரேனிய இறையாண்மை, சுதந்திரம் மற்றும் பிராந்திய ஒருமைப்பாடு ஆகியவற்றிற்கு ஆதரவாக நாங்கள் உறுதியாக இருக்கிறோம்,' 'புட்டின் என்ன வேண்டுமானாலும் செய்யலாம், மேற்குலகம் பதிலடி கொடுப்பதற்கு எதுவும் செய்யாது என்பதையே மாஸ்கோவிற்கு நாங்கள் நீண்ட காலமாக சமிக்ஞை செய்துள்ளோம்' என்று அவர் கூறினார்.