மொழிபெயர்ப்பின் மூலக் கட்டுரையை இங்கே காணலாம்

முன்னாள் ஜனாதிபதி டொனால்ட் ட்ரம்ப், அமைதியான அதிகார மாற்றத்தை ஒழித்து அமெரிக்காவை சர்வாதிகார நாடாக மாற்ற நோக்கம் கொண்டு, பாசிச ஆட்சிக்கவிழ்ப்பு சதிக்கு முயற்சித்ததை நியாயப்படுத்த 2020 தேர்தல் குறித்து அவரது ‘பெரும் பொய்யை’ எவ்வாறு பயன்படுத்தினார் என்பதை ஆவணப்படுத்தும் ஒரு பொது விசாரணையை வியாழனன்று செனட் நடத்தியது.

ஆனால் அதே நாளில், வாஷிங்டன் போஸ்ட், ட்ரம்பின் மற்றொரு பெரும் பொய்யை விளம்பரப்படுத்தும் ஒரு தலையங்கத்தை வெளியிட்டது: கோவிட்-19 என்பது சீனாவில் வூஹான் வைராலஜி நிறுவனத்தில் மனிதனால் உருவாக்கப்பட்ட ஒரு வைரஸ் என்று கூறப்பட்டது.

“இந்த நோய்தொற்று வூஹான் வைராலஜி நிறுவனத்துடன் தொடர்புபட்ட ஒரு ஆய்வக விபத்து அல்லது கவனக்குறைவான கசிவின் காரணமாக ஏற்பட்டிருக்கலாம்” என்ற ‘அனுமானத்தை’ போஸ்ட் பத்திரிகை ஊக்குவிக்கிறது. மேலும், 'அந்த நேரத்தில், தொற்றுநோய் விகாரத்தைப் போன்ற மரபணு மாற்றப்பட்ட வைரஸ்களுடன் IVW சோதனைகளை நடத்தியது' என்றும் அது கூறுகிறது.

கோவிட்-19 தொற்றுநோய்க்கு சீனாவைக் குற்றம்சாட்டும் ட்ரம்பின் இனவெறி முயற்சியை ஊக்குவிக்கும் வகையில் போஸ்ட், “2019 இன் பிற்பகுதியில் வூஹானில் வைரஸ் முதன்முதலில் மனிதர்களை எவ்வாறு தொற்றிக் கொண்டது என்பது குறித்து இரண்டு பரந்த அனுமானங்கள் எழுந்துள்ளன” என்று அதை ஒரு பிரகடனமாக உருவாக்குகிறது.

இது, 2020 ஜனாதிபதித் தேர்தல் முடிவுகளின் செல்லுபடியாகும் தன்மை குறித்து ‘இரண்டு பரந்த அனுமானங்கள்’ இருப்பதாகக் கூறுவது போல் உள்ளது. அப்படி எதுவும் இல்லை. உண்மை இருக்கிறது, மேலும் அங்கே ஒரு வலதுசாரி சதி தத்துவம் உள்ளது.

2020 தேர்தல் திருடப்பட்டது என்பதான ட்ரம்பின் கூற்றை ஆதரிக்க எந்தவித ஆதாரமும் இல்லை என்பதுடன், அது ஒரு வெளிப்படையான பொய்மைப்படுத்தலை உருவாக்குகிறது. இதற்கு வாக்குப்பதிவு இயந்திரங்கள், வாக்குச் சாவடிகள், அல்லது தேர்தல் பதிவுகளின் தடயவியல் ஆய்வுகள் தேவையில்லை. இந்த கூற்றுக்கு சிறிதளவாவது நம்பகத்தன்மையை வழங்கும் எந்தவொரு அரசியல்வாதியும் அல்லது பத்திரிகையாளரும் ஒரு பாசிச அனுதாபியாக மட்டுமே இருப்பார்.

ட்ரம்பின் தேர்தல் பொய்யானது ட்ரம்பின் ஆலோசகர்களான ஸ்டீபன் கே. பானன், பீட்டர் நவரோ, ஜேசன் மில்லர் மற்றும் அவர்களது இணை சதிகாரர்களால் பானனின் போட்காஸ்ட், ‘போர் அறை: தொற்றுநோய்’ என்பதைச் சுற்றி ஏற்பாடு செய்யப்பட்டது. ஜனவரி 5 அன்று, ட்ரம்பின் ஆட்சிக் கவிழ்ப்பு முயற்சிக்கு முந்தைய நாள், “எல்லா நரகமும் நாளை அழிந்துவிடும்” என்று பானன் அறிவித்தார்.

இருப்பினும், பானனின் போட்காஸ்ட் ஒரு வித்தியாசமான பொய்யை விளம்பரப்படுத்த உருவாக்கப்பட்டது. ஜனவரி 25, 2020 அன்று, அமெரிக்காவைத் தாக்குவதற்கான உயிரியல் ஆயுதமாக கோவிட்-19 ஐ சீனா உருவாக்கியுள்ளது என்ற கூற்றை மையப்படுத்த, பானன் தனது ‘போர் அறை: அரசியல் குற்றச்சாட்டு’ என்று போட்காஸ்ட்டுக்கு மறுபெயரிட்டார். அவர் அதை ‘போர் அறை: தொற்றுநோய்’ என்று அழைத்தார், அது இன்றுவரை அந்த பெயரில் உள்ளது.

ஜனவரி 25 அன்று பதிவிடப்பட்ட போட்காஸ்டின் முதல் அத்தியாயத்தில், பானன் வாஷிங்டன் டைம்ஸ் கட்டுரையாளர் பில் கெர்ட்ஸை “கொரோனா வைரஸ் சீனாவின் உயிரியல் போர் திட்டத்துடன் இணைக்கப்பட்ட ஆய்வகத்தில் தோன்றியிருக்கலாம்” என்று வலியுறுத்தி வரவிருக்கும் கட்டுரையைப் பற்றி (பானனுக்கு இது பற்றி முன்கூட்டியே தெரியும்) பேச அழைத்தார்.

சில நாட்களுக்கு முன்பு, பானனின் சீன வெளிநாட்டு வணிகப் பங்காளியும் ஒத்துழைப்பாளருமான மைல்ஸ் குவோ, “கொரோனா வைரஸின் உண்மையான ஆதாரம் அதன் இரகசிய உயிரியல் ஆயுத திட்டங்களுடன் இணைக்கப்பட்ட ‘ஒரு வூஹான் ஆய்வகத்தில்’ இருந்து வந்தது” என்று வலியுறுத்தும் ஒரு கட்டுரையை வெளியிட்டார்.

ட்ரம்ப், நவாரோ மற்றும் வெளியுறவுத்துறை செயலர் மைக் பொம்பியோ ஆகியோர் கோவிட்-19 சீனக் கம்யூனிஸ்ட் கட்சியால் உருவாக்கப்பட்ட ஒரு உயிரியல் ஆயுதம் என்ற கூற்றை ஊக்குவிப்பார்கள். ட்ரம்பின் துணை தேசிய பாதுகாப்பு ஆலோசகர் மேத்யூ பொட்டிங்கர், கோவிட்-19 தவறுதலாக வெளியிடப்பட்டது என்று பொய்யின் மாறுபாட்டை ஊக்குவிப்பார்.

இந்த சதி தத்துவம் வோல் ஸ்ட்ரீட் ஜேர்னல் மற்றும் வாஷிங்டன் போஸ்டின் ஆசிரியர் குழு, அத்துடன் நியூ யோர்க் டைம்ஸின் முன்னணி கட்டுரையாளர்களால் ஏற்றுக்கொள்ளப்பட்டது.

இந்த வலதுசாரிப் புயலின் மத்தியில், பாசிசப் பத்திரிக்கையாளர்களால் (Breitbart, The National Pulse, Newsmax, OAN) 'பிரதான ஊடகங்கள்' ஆதரிக்கப்படுகின்றன. உலக சுகாதார அமைப்பு (WHO) மார்ச் 2021 இல் COVID-19 இன் தோற்றம் குறித்த இடைக்கால அறிக்கையை வெளியிட்டது.

கோவிட்-19 ஒரு உயிரியல் ஆயுதமாக உருவாக்கப்பட்டது என்ற கூற்றை இந்த அறிக்கை நிராகரித்தது, மேலும் “மரபணு பகுப்பாய்வுகளைத் தொடர்ந்து மற்ற விஞ்ஞானிகளாலும் நிராகரிக்கப்பட்டது” என்று அது முடித்தது.

ஆய்வகக் கசிவினால் மனிதர்களுக்கு கோவிட்-19 பரவுவதற்கான சாத்தியம் “முற்றிலும் இல்லை,” என்று அது அறிவித்தது, மேலும், “டிசம்பர் 2019 க்கு முன்னர் எந்த ஆய்வகத்திலும் SARS-CoV-2 உடன் நெருங்கிய தொடர்புடைய வைரஸ்கள், அல்லது மரபணுக்கள் இணைந்து SARS-CoV-2 மரபணுவை வழங்கக்கூடிய பதிவு எதுவும் இல்லை” என்றும் அறிவித்தது.

எல்லாவற்றிற்கும் மேலாக, கோவிட்-19 ஆய்வகத்தில் இருந்து தோன்றியிருப்பதற்கான சாத்தியம் பற்றி கூடுதல் விசாரணை செய்ய அறிக்கை பரிந்துரைக்கவில்லை, மேலும் சீனா மூடிமறைப்பதாகக் குற்றம்சாட்டக்கூடிய வகையில் கோவிட்-19 இன் தோற்றம் பற்றிய விஞ்ஞான விசாரணையை ஒரு சூனியக்கார கண்டுபிடிப்பு பயணமாக மாற்றுவதற்கு இரு தரப்பினரின் போர்வெறியாளர்கள், இனவெறியாளர்கள் மற்றும் தீவிர பேச்சாளர்களின் முயற்சிகளை இது குறுக்கிடுறது.

அமெரிக்காவின் மஞ்சள் பத்திரிகைகள் கோபத்துடன் அலறின, முன்னணி அமெரிக்க செய்தியிதழ்கள் கண்டுபிடிப்புக்களை கண்டனம் செய்ததோடு, விஞ்ஞான சமூகத்தில் உள்ள சதி தத்துவத்தின் மிகக் கடுமையான எதிர்ப்பாளரான கமிட்டி உறுப்பினர் பீட்டர் டாஸ்ஸாக்கிற்கு (Peter Daszak) எதிராக தனிப்பட்ட தாக்குதல்களை தொடுத்தன.

சதி தத்துவத்தை உத்தியோகபூர்வமாக அங்கீகரிக்கும் அமெரிக்க வெளியுறவுத்துறையின் இடைவிடாத அழுத்தத்தின் கீழ், உலக சுகாதார அமைப்பு நோயின் தோற்றம் குறித்த அதன் குழுவை கலைத்து புதிய ஒன்றை உருவாக்கியது: புதிய நோய்க்கிருமிகளின் தோற்றத்திற்கான விஞ்ஞான ஆலோசனைக் குழு (The Scientific Advisory Group for the Origins of Novel Pathogens-SAGO).

இந்தக் குழு தனது முதற்கட்ட அறிக்கையை வியாழக்கிழமை வெளியிட்டது. இரண்டு அறிக்கைகளுக்கு இடையில், கோவிட்-19 இன் விலங்கியல் தோற்றத்திற்கான சான்றுகள் மட்டுமே அதிகரித்துள்ளன. இயற்கையில் COVID-19 க்கு மிகவும் ஒத்த கொரோனா வைரஸ்கள் அடையாளம் காணப்பட்டன, மேலும் காட்டு விலங்குகளில் குறிப்பிடத்தக்க வர்த்தகத்தை மேற்கொண்ட ஹுவானன் ஈரமான சந்தையுடன் ஆரம்ப தொற்றுநோயை இணைக்கும் கூடுதல் தகவல்கள் உள்ளன.

அதே நேரத்தில், கோவிட்-19 இன் ஆய்வகத் தோற்றத்தைச் சுட்டிக்காட்டும் புதிய ஆதாரங்கள் எதுவும் இல்லை, இது முன் சான்றுகள் எதுவும் இல்லாததுடன் சேர்ந்து, சதி கோட்பாட்டை ஆதரிக்கும் மொத்த ஆதாரங்களின் எண்ணிக்கையை பூஜ்ஜியத்திற்கு கொண்டு வந்தது.

இந்த யதார்த்தத்தை பிரதிபலிக்கும் வகையில், SAGO அறிக்கை முடிவடைகிறது: “தற்போது, தற்போது கிடைக்கக்கூடிய தொற்றுநோயியல் மற்றும் வரிசைமுறை தரவுகள், SARS-CoV-2 இன் மூதாதையர் விகாரங்கள் விலங்கியல் தோற்றம் கொண்டவை என்று தெரிவிக்கின்றன, மரபணு ரீதியாக மிக நெருக்கமான வைரஸ்களான பீட்டா-கொரோனாக்கள், ரைனோலோபஸ் வௌவால்களில் அடையாளம் காணப்பட்டுள்ளன. 2013 இல் சீனா (96.1 சதவீதம்) மற்றும் லாவோஸில் 2020 இல் (96.8 சதவீதம்)”.

மேலும், “SARS-CoV-2 மனிதர்களிடையே பரவுவதற்கான வழியாக ஆய்வகத்தை மதிப்பிடுவதற்கு புதிய தரவுகள் எதுவும் கிடைக்கவில்லை” என்று கூறுகிறது.

ஆனால் புதிய விஞ்ஞான கண்டுபிடிப்புகள் சதிக் தத்துவத்தை பொய்யாக்க உதவியுள்ளன என்பதை ஒப்புக் கொள்ளும் அதேவேளையில், இடைவிடாத அமெரிக்க அரசியல் அழுத்தத்தின் கீழ், SAGO, 'ஒரு ஆய்வக சம்பவத்தின் மூலம் மனித மக்களில் SARS-CoV-2 ஐ அறிமுகப்படுத்துவதற்கான சாத்தியக்கூறுகளை கருத்தில் கொள்வது முக்கியம்.” என அறிவித்தது.

குழுவின் மூன்று உறுப்பினர்களின் எதிர்ப்பையும் மீறி இந்த வலியுறுத்தல் வெளிவந்தது, “மார்ச் 2021 இல் வெளியிடப்பட்ட சீனத் தரப்பு பணி அறிக்கை என்பதான SARS-CoV-2 இன் தோற்றம் பற்றிய WHO ஆல் நடத்தப்பட்ட உலகளாவிய ஆய்வின் முடிவைக் கேள்விக்குட்படுத்த புதிய விஞ்ஞான ஆதாரங்கள் எதுவும் இல்லை” என்று அறிவித்தது.

வேறு வார்த்தைகளில் சொல்வதானால், உலக சுகாதார அமைப்பு வலதுசாரி அரசியல் அழுத்தத்தின் கீழ் கோவிட்-19 இன் தோற்றம் பற்றி ஆராயும் அதன் குழுவை கலைத்ததன் பின்னர், சதி தத்துவத்தின் அனைத்து வெளிப்படையான எதிர்ப்பாளர்களையும் நீக்கியது, மற்றும் வலதுசாரி பிரச்சாரத்திற்கு அனுதாபம் கொண்ட புள்ளிவிபரங்களைக் கொண்டுவந்தது, ஆனால், அனைத்து அறிக்கைகளும் அடிப்படையில் முந்தைய ஆய்வின் அதே முடிவைத்தான் காண முடியும். அவர்கள் கருத்துரைத்தனர்: 'இந்த நேரத்தில், தற்போது கிடைக்கக்கூடிய தொற்றுநோயியல் மற்றும் வரிசைமுறை தரவுகள் SARS-CoV-2 இன் மூதாதையர் மாறுபாடுகள் விலங்கியல் தோற்றம் கொண்டவை என்று கூறுகின்றன'.

கோவிட்-19 தோற்றம் பற்றிய முந்தைய WHO-சீனா கூட்டு ஆய்வுக்கு நெருக்கமான ஒரு ஆதாரமான SAGO ஆய்வு பற்றி கருத்து தெரிவிக்கையில், “‘முரண்பட்ட’ உறுப்பினர்கள் எனக் கூறப்பட்டவர்களை அவர்கள் நீக்கினாலும், அவர்கள் இன்னும் அதே முடிவோடுதான் இருக்கிறார்கள்” என்பதை அறிய முடிந்தது.

“நகைமுரண் என்னவென்றால், சீனா புதிய தரவுகளை வழங்கும் ஒரு சாளரம் எங்களிடம் இருந்தது. WHO குழுவின் பணிக்கு எதிராக வலதுசாரி அரசியல் அழுத்தத்தை பிரயோகித்துள்ளது. அவர்கள் பழைய குழுவை கலைத்தனர், ஆய்வக கசிவுகள் குறித்து ஒரு குழுவை கொண்டு வந்தனர், எந்த ஆதாரமும் இல்லை என வாதிட்டவர்களை மற்றும் அரசியல் ரீதியாக சாதகமாக இருந்தவர்களை நீக்கினர். இப்போது அந்த விசாரணையை ஆதரிக்க எந்த ஆதாரமும் இல்லாமல், அரசியல் ரீதியாக குற்றம் சாட்டப்பட்ட சூழலில் சீனாவிலிருந்து ஆய்வகத் தகவலைக் கோரும் அறிக்கையை வைத்திருக்கிறது.”

அந்த ஆதாரம் மேலும் கூறியது, “போஸ்ட் கட்டுரை வெறுமனே இதை அரசியலாக்குகிறது, முரண்பாடாக இது, கோவிட் தோற்றம் பற்றிய எந்தவொரு உண்மையான புரிதலுக்கான சாளரத்தையும் அது தொடர்ந்து மூடி வைக்கும்.”

வூஹான் ஆய்வக பொய்யை போஸ்ட் விளம்பரப்படுத்துவது வெளிப்படையான அரசியலாகும். கடந்த மாதம், அமெரிக்க வெளியுறவுத்துறை செயலர் அந்தோனி பிளிங்கென், அமெரிக்க-சீனா உறவுகள் குறித்த ஒரு முக்கிய உரையில், “சர்வதேச ஒழுங்கிற்கான மிகவும் தீவிரமான நீண்டகால சவால் குறித்து நாங்கள் கவனம் செலுத்துவோம் – மேலும் அது சீன மக்கள் குடியரசால் முன்வக்கப்பட்டது” என்று கூறினார்.

மேலும் அவர், “சர்வதேச ஒழுங்கை மறுவடிவமைக்கும் நோக்கத்தையும், அதிகரித்தளவில், பொருளாதார, இராஜதந்திர, இராணுவ, மற்றும் தொழில்நுட்ப ரீதியில் அதை நிறைவேற்றுவதற்கான சக்தியையும் கொண்ட ஒரே நாடு சீனா மட்டுமே… எந்த அச்சுறுத்தலுக்கும் எதிராக நாங்கள் எங்கள் நலன்களைப் பாதுகாப்போம்” என்று கூறினார்.

வூஹான் ஆய்வகப் பொய்யை ஊக்குவிக்கும் போஸ்டின் முயற்சிகள், மேலும் அமெரிக்க இராணுவ நோக்கங்களுக்காக சீனாவின் மீதான இனவெறி வெறுப்பைத் தூண்டுவதை நோக்கமாகக் கொண்டுள்ளன. அவர்கள் உரிய அவமதிப்புடன் நிராகரிக்கப்பட வேண்டும்.