COVID-19 தடுப்பூசிகளின் ஏற்றுமதியை இந்தியா நிறுத்தியது

தீபால் ஜெயசேகரா

29 மார்ச் 2021

மொழிபெயர்ப்பின் மூலக் கட்டுரையை இங்கே காணலாம்

இந்தியாவின் வலதுசாரி எதேச்சாதிகார பாரதிய ஜனதா கட்சி (பிஜேபி) அரசாங்கம் கோவிட்-19 தடுப்பூசிகளின் ஏற்றுமதியை குறைந்தது இரண்டு மாதங்களுக்கு நிறுத்தி வைத்துள்ளது. இந்த முடிவு ஆபிரிக்கா, இலத்தீன் அமெரிக்கா மற்றும் ஆசியாவின் பிற பகுதிகளில் குறைந்த மற்றும் நடுத்தர வருவாய் உள்ள நாடுகளில் தடுப்பூசி திட்டங்களை கடுமையாக பாதிக்கும், மேலும் தொற்றுநோயை பரப்புவதற்கு பங்களிப்பு செய்கிறது, அதில் மேலும் புதிய தொற்று மற்றும் ஆபத்தான வகைகளும் உள்ளன.

கோவிட்-19 தடுப்பூசி ஏற்றுமதியை நிறுத்திவைப்பதாக அறிவிக்கும் அதிகாரபூர்வ அறிக்கையை பாஜக அரசாங்கம் இன்னும் வெளியிடவில்லை. இருப்பினும், இந்திய மற்றும் சர்வதேச ஊடகங்கள் "அரசாங்க ஆதாரங்களை" மேற்கோள் காட்டி சமீபத்திய வாரங்களில் இந்தியாவுக்குள் நோய்த்தொற்றுகள் வியத்தகு அளவில் உயர்ந்துள்ள நிலையில் உள்நாட்டு தேவைகள் அதிகரிப்பதை சுட்டிக்காட்டி முடிவை நியாயப்படுத்துகின்றன.

கடந்த புதன்கிழமை இரவு சென்னையை தளமாகக் கொண்ட ஒரு பத்திரிகை Hindu மேற்கோள் காட்டிய அதிகாரபூர்வ ஆதாரம், “எங்கள் தற்போதைய உற்பத்தி திறன் மற்றும் தேசிய தடுப்பூசி திட்டங்களின் தேவைகளைப் பொறுத்தவரை, அவ்வப்போது விநியோக அட்டவணைகளை அளவீடு செய்ய வேண்டிய அவசியம் இருக்கலாம். தேவைக்கேற்ப அட்டவணைகளை சரிசெய்ய அனைத்து பங்குதாரர்களும் ஒன்றிணைந்து செயல்பட வேண்டும்.”

அக்டோபர் மாதத்திலிருந்து இந்தியா அதிக எண்ணிக்கையிலான கொரோனா வைரஸ் தொற்றுக்களை பதிவு செய்துள்ளது, கவலைக்குரிய எழுச்சிக்கு மத்தியில், பல மாநிலங்கள் மக்கள் கூடுவது குறித்து சில வகையான கட்டுப்பாடுகளை மறுபடி கொண்டுவர தூண்டப்பட்டுள்ளது.

அரசாங்கத்தின் முடிவின் தாக்கங்களை குறைத்து காட்டும் முயற்சியில், உலகின் பொதுவான மருந்துகளை ஏற்றுமதி செய்வதில் முன்னணி வகிக்கும் இந்தியா, உலகிற்கு தடுப்பூசி பொருட்களை வழங்குவதில் "உறுதியுடன்" இருப்பதாக அவர் கூறினார். "பல நாடுகளைப் போலல்லாமல்," இந்திய அரசு தடுப்பூசி ஏற்றுமதிக்கு உத்தியோகபூர்வ தடையை விதிக்கவில்லை என்று அவர் கூறினார். ஆனால் அவரும் பிற அதிகாரிகளும் கோடிட்டுக் காட்டிய கொள்கை பெயரளவில் இல்லையே தவிர மற்ற அனைத்திலும் தடையாகத்தான் உள்ளது.

அதிகாரிகளின் கூற்றுப்படி, ஏற்றுமதிகள் இப்போது “உள்நாட்டு தேவைகளை கருத்தில் கொண்டு.” ஒரு கட்டம் கட்டமாக நடக்கும், மேலும், நிலுவையில் உள்ள அனைத்து ஆர்டர்களும் இறுதியில் விநியோகம் செய்யப்படும். புதிய ஆர்டர்கள் பல மாதங்களுக்கு ஏற்றுக்கொள்ளப்படாது.

எவ்வாறாயினும், நரேந்திர மோடி தலைமையிலான பாஜக அரசாங்கம் தனது முடிவை நியாயப்படுத்தவும் அதன் தாக்கத்தை குறைத்து காட்டவும் தேர்வுசெய்கிறது, உண்மை என்னவென்றால், தடுப்பூசி ஏற்றுமதியை நிறுத்தி வைப்பது இந்தியாவின் ஆளும் உயரடுக்கின் பிற்போக்குத்தனமான தேசியவாத கணக்கீடுகளுடன் பிணைந்துள்ளது. இது அமெரிக்காவிலும் ஐரோப்பாவிலும் உள்ள அரசாங்கங்கள் பின்பற்றும் “தடுப்பூசி தேசியவாதத்தின்” இந்திய பதிப்பாகும், அவை தடுப்பூசிகளின் உற்பத்தி மற்றும் விநியோகத்தை இலாபத்திற்கான உந்துதலுக்கும் பல்வேறு போட்டியிடும் ஆளும் உயரடுக்கின் புவிசார் அரசியல் நலன்களுக்கும் கீழ்ப்படுத்தியுள்ளன.

தடுப்பூசிகளை அமெரிக்கா பதுக்கி வைத்திருக்கிறது, அவை மற்ற நாடுகளுக்கு வழங்கப்படுவதற்கு முன்னர் அமெரிக்க மக்களுக்கு ஒதுக்கப்பட வேண்டும் என்று வலியுறுத்தியது. தடுப்பூசிகளின் விநியோகம் அமெரிக்க நலன்களைப் பின்பற்றுவதற்காக மற்ற நாடுகளை கொடுமைப்படுத்துவதற்கும் அச்சுறுத்துவதற்கும் வாஷிங்டனின் வசம் உள்ள மற்றொரு கருவியாக மாறியுள்ளது. எடுத்துக்காட்டாக, அண்டை நாடான மெக்ஸிகோவுக்கு தடுப்பூசிகளை வழங்குவதை அமெரிக்கா மெக்சிகன் அரசாங்கத்தின் நிபந்தனைக்கு உட்படுத்தியுள்ளது மெக்ஸிகோ-அமெரிக்க எல்லையை கடக்க முயற்சிக்கும் புலம்பெயர்ந்தோரை தடுக்க கொடூரமான அடக்குமுறையைப் பயன்படுத்த மெக்சிகன் அரசாங்கம் விருப்பப்படவேண்டும் என்கிறது.

அதே சமயம் பல குறைந்த வருமானம் கொண்ட வளரும் நாடுகள் தடுப்பூசிகள் தயாரிப்பதற்காக காப்புரிமைகளை விலக்கக்கோரும் வேண்டுகோள்களை அமெரிக்கா, கனடா மற்றும் ஐரோப்பிய ஒன்றியம் கடுமையாக எதிர்த்தன. இந்த வழியில், மேற்கத்திய ஏகாதிபத்திய சக்திகள் உலகெங்கிலும் உள்ள கோடிக்கணக்கான மக்களின் வாழ்க்கையை விட தங்கள் மருந்து நிறுவனங்களின் இலாபங்களில் அதிக அக்கறை கொண்டிருப்பதைக் காட்டியுள்ளன. உலக மக்கள்தொகையில் பெரும்பான்மையினருக்கு தடுப்பூசிகளை வழங்க மறுப்பது, மேலும் தொற்று வகைகள் பரவுவதால் தொற்றுநோய் அதிகரித்துள்ள நிலையில், ஏற்றுமதியைத் தடுப்பதற்கான மோடி அரசாங்கத்தின் நடவடிக்கையால் இப்போது மேலும் மோசமடைந்துள்ளது.

இந்திய அரசாங்கம் ஒரு புதிய அலை கோவிட்- 19 நோய்த்தொற்றுகளை எதிர் கொண்டுள்ள நிலையில் குறைந்த வருமானம் கொண்ட நாடுகளுக்கு இந்திய தடுப்பூசி வழங்கல் தாமதமாகிறது என்று ஏழை நாடுகளுக்கு தடுப்பூசிகளை வழங்குவதற்காக ஐ.நா. ஆதரவு முயற்சியான கோவாக்ஸ் திட்டத்தை இயக்கும் கோவி என்ற தடுப்பூசி கூட்டணி கூறியது. ”சீரம் இன்ஸ்டிடியூட் ஆப் இந்தியாவிடம் (SII) கோவி 28 மில்லியன் டோஸ் கோவிஷீல்ட்டைப் பெற்றிருந்தாலும், மார்ச் மாதத்தில் 40 மில்லியன் டோஸ்கள் மற்றும் ஏப்ரல் மாதத்தில் 50 மில்லியனுக்கும் அதிகமான பொருட்கள் வழங்கப்படுமா என்பது தெளிவாகத் தெரியவில்லை என்று அது கூறியது. Serum Institute of India (SII), அதன் அசல் பிரிட்டிஷ்-சுவீடிஷ் உற்பத்தியாளர் அஸ்ட்ராசெனெகாவின் உரிமத்தின் கீழ் கோவிஷீல்ட் என்ற பெயரில் ஆக்ஸ்போர்டு-அஸ்ட்ராசெனெகா தடுப்பூசியை தயாரிக்கிறது

ராய்ட்டர்ஸுக்கு யுனிசெஃப் அனுப்பிய ஒரு மின்னஞ்சல் குறிப்பிட்டது, “கோவக்ஸ் வசதியில் பங்கேற்கும் குறைந்த வருமானம் கொண்ட பொருளாதாரங்களுக்கு கோவிட்-19 தடுப்பூசிகள் வழங்கப்படுவது தாமதத்தை எதிர்கொள்ளக்கூடும் என்பதை நாங்கள் புரிந்துகொள்கிறோம். சீரம் இன்ஸ்டிடியூட் ஆப் இந்தியாவினால் (SII), மார்ச் மற்றும் ஏப்ரல் மாதங்களில் அனுப்பப்படும் என்று எதிர்பார்க்கப்படுகிறது.”

மோடி அரசாங்கத்தின் முடிவு இங்கிலாந்தில் தடுப்பூசி திட்டத்தையும் பாதித்துள்ளது, ஏனெனில் அஸ்ட்ராசெனெகாவின் உரிம ஒப்பந்தத்தின் ஒரு பகுதி இந்தியா பிரிட்டனுக்கு டோஸ்களை வழங்க வேண்டும். கடந்த வாரம், தேசிய சுகாதார சேவை (NHS ) SII இலிருந்து எதிர்பார்க்கப்பட்ட ஆர்டர்களில் பாதிக்கு "நான்கு வார தாமதம்" காரணமாக தடுப்பூசி வரவிருக்கும் பற்றாக்குறை குறித்து மருத்துவமனைகளுக்கு எழுத்துபூர்வ எச்சரிக்கை அனுப்பியது.

SII இன் தலைமை நிர்வாக அதிகாரி (CEO) ஆதார் பூனவல்லா கூறுகையில், அஸ்ட்ராசெனெகா தடுப்பூசியின் ஐந்து மில்லியன் டோஸ் ஏற்கனவே அவரது நிறுவனத்தால் இந்த மாத தொடக்கத்தில் இங்கிலாந்திற்கு வழங்கப்பட்டது. இருப்பினும், மோடி அரசாங்கத்தின் முடிவால் எதிர்கால பொருட்கள் பாதிக்கப்படும். அவர் பிரிட்டனின் டெய்லி டெலிகிராஃபிடம் கூறினார், “இது இந்தியாவை மட்டுமே சார்ந்துள்ளது, அதற்கு SII உடன் எந்த தொடர்பும் இல்லை. இந்திய அரசு இங்கிலாந்துக்கு அதிக டோஸ்களை அனுமதிப்பது தான் இது.”

கடந்த ஜனவரி முதல் இந்தியா 60 மில்லியனுக்கும் அதிகமான கோவிட் -19 தடுப்பூசிகளை ஏற்றுமதி செய்துள்ளதாக இந்திய வெளியுறவு அமைச்சகம் தெரிவித்துள்ளது. இருப்பினும், அவற்றில் ஒரு சிறிய பகுதியே, வெறும் எட்டு மில்லியன்கள் மட்டுமே இந்திய அரசாங்கத்தின் மானியங்கள். டோஸ்களில் பெரும்பகுதி, சுமார் 34.17 மில்லியன், வணிக ஆர்டர்களின் ஒரு பகுதியாகும், மேலும் 17.86 மில்லியனை சர்வதேச கோவி, தடுப்பூசி கூட்டணியால் வாங்கப்பட்டது.

Hindu மேற்கோள் காட்டிய இந்திய அரசாங்க வட்டாரம், நாடு ஏற்கனவே 75 நாடுகளுக்கு தடுப்பூசியை ஏற்றுமதி செய்துள்ளது. இந்தியா இதுவரை செய்த அளவுக்கு வேறு எந்த நாடும் உலகிற்கு doses வழங்கவில்லை," என்று அவர் கூறினார்.

மோடி அரசாங்கத்தின் கூற்றுக்கள் எதுவாக இருந்தாலும், அதன் கொள்கைகள் சர்வதேச அளவிலும், இந்தியாவிலும் மக்களின் வாழ்க்கையில் தொற்றுநோயின் தாக்கம் குறித்த மனிதாபிமான அக்கறைகளால் இயக்கப்படுவதில்லை. மாறாக, குறைந்த வருமானம் மற்றும் நடுத்தர வருமான நாடுகளுக்கு தடுப்பூசிகளை வழங்குவதன் மூலம், புது டெல்லி தனது போட்டியாளர்களுக்கு எதிராக அதன் புவிசார் மூலோபாய செல்வாக்கை அதிகரிக்க முற்படுகிறது, எல்லாவற்றிற்கும் மேலாக சீனா, அதன் சொந்த COVID-19 தடுப்பூசிகளையும் ஏற்றுமதி செய்கிறது.

இந்தியா, ஜப்பான் மற்றும் ஆஸ்திரேலியா உள்ளிட்ட அமெரிக்கத் தலைமையிலான “பாதுகாப்பு உரையாடல்” நாற்கரத்தின் சமீபத்திய தலைமை உச்சிமாநாட்டின் போது, அமெரிக்கா மற்றும் ஜப்பானின் நிதி உதவியுடன் இந்தியாவில் COVID-19 தடுப்பூசிகளை தயாரிக்க ஒரு திட்டம் குறித்து விவாதிக்கப்பட்டது. சீனாவின் "தடுப்பூசி இராஜதந்திரம்" என்று இழிந்த முறையில் விவரிக்கப்படுவதை விட நாற்கரம் அதை எதிர்க்கும் முயற்சியாக, இந்த தடுப்பூசிகளை ஆஸ்திரேலியாவின் உதவியுடன் உலகெங்கிலும் உள்ள ஏழை நாடுகளுக்கு அனுப்பவேண்டும் என்று திட்டம் கோரியது.

COVID-19 தடுப்பூசிகளின் ஏற்றுமதியை மோடி அரசாங்கம் நிறுத்தியது என்பது இந்தியா முழுவதும் தொற்றுநோய்களின் தற்போதைய எழுச்சிக்கு ஒரு இழிவார்ந்த பதிலாகும், அதாவது, அதன் சொந்த பேரழிவு கொள்கைகளின் அழிவுகரமான விளைவு தான் அது.

நாட்டில் திங்களன்று 68,020 புதிய COVID-19 தொற்றுக்கள் பதிவாகியுள்ளன, இது அக்டோபருக்குப் பின்னர் அதிக தினசரி புதிய தொற்றுநோய்களாகும். மொத்த கொரோனா வைரஸ் தொற்றுக்கள் எண்ணிக்கை இப்போது 12 மில்லியனை தாண்டியுள்ளது, இறப்பு எண்ணிக்கை 161,800 க்கும் அதிகமாக உள்ளது, இது அதிகமாக அறிக்கை பதிவு செய்யப்படாத உத்தியோகபூர்வ புள்ளிவிவரங்களின்படியும் கூட அப்படிதுதான் உள்ளது.

COVID-19 இன் இந்த மீள் எழுச்சி, வைரஸின் புதிய வகைகளின் தோற்றத்தால் இயக்கப்படுகிறது, அவை அதிக தொற்றுநோய்கள் மற்றும் தடுப்பூசிகளுக்கு குறைவான செயல்திறனை ஏற்படுத்தக்கூடும். கடந்த வாரம், அதிகாரிகள் வைரஸின் "இரட்டை விகாரி" யை அடையாளம் கண்டுள்ளதாக தெரிவித்தனர், அதாவது, இரண்டு வகைகளை இணைக்கும் ஒன்று.

"இந்த இரட்டை விகாரி COVID நிகழ்வுகளின் எழுச்சியின் பின்னணியில் ஒரு முக்கிய காரணமாக இருக்கலாம், ஆனால் சோதனை முடிவுகள் இதுதான் என்பதை தீர்மானிக்க நாங்கள் காத்திருக்க வேண்டும்," என்று M.C. மிஸ்ரா, அகில இந்திய மருத்துவ அறிவியல் கழகத்தின் முன்னாள் உயர் அதிகாரி ஜேர்மன் ஒலிபரப்பான Deutsche Welle இடம் தெரிவித்தார்.

ஆரம்பத்தில் இருந்தே, தொற்றுநோய்க்கு அரசாங்கத்தின் பதில் தொழிலாளர்கள் மற்றும் ஏழைகளின் உயிர்களை விட பெருநிறுவன இலாபங்களை முன் நிறுத்துவதில் தான் கவனம் செலுத்தியது.

2020 ஆம் ஆண்டின் தொடக்கத்தில் பல முக்கியமான மாதங்களில் தொற்றுநோயைக் கட்டுப்படுத்த எந்தவிதமான நடவடிக்கைகளையும் எடுக்க மறுத்துவிட்ட அரசாங்கம், திடீரென்று ஒரு பல்டி அடித்து மார்ச் மாத இறுதியில் ஒரு தேசிய பொது முடக்கத்தை அறிவித்தது.

எவ்வாறாயினும், பொது முடக்கம் தவறாக-தயாரிக்கப்பட்ட தன்மை காரணமாக, வெகுஜன சோதனை, தொடர்புத் தடமறிதல் மற்றும் பொது சுகாதாரப் பாதுகாப்பு முறையை மேம்படுத்துவதற்கு கணிசமான நிதி ஆதாரங்களை ஒதுக்கீடு செய்தல் ஆகியவற்றுடன் இணைந்து சமூக ஆதரவை வழங்குவதில் அரசாங்கம் தோல்வியுற்றது உட்பட - மோடியின் பொது முடக்கம் அறிவிக்கப்பட்டதற்கான நோக்கங்கங்களை நிறைவேற்றத் தவறியது.

ஏப்ரல் பிற்பகுதியிலிருந்து தொடங்கி, பொருளாதாரத்தை மீண்டும் திறக்க அரசாங்கம் செயல்பட்டது, வைரஸ் அதிகரித்ததால் ஆபத்தான சூழ்நிலையில் தொழிற்துறைகள் செயல்பட அனுமதிக்க கொரோனா வைரஸ் தொடர்பான கட்டுப்பாடுகளை முறையாக நீக்கியது.

தடுப்பூசிகளின் ஏற்றுமதியை நிறுத்துவதற்கான மோடி அரசாங்கத்தின் முடிவு, வைரஸ் விரைவாக பரவினாலும், இன்னும் கூடுதலான முடக்கங்களை செயல்படுத்தக்கூடாது என்ற அதன் வற்புறுத்தலுடன் பிணைந்துள்ளது. தொற்றுநோய்க்கான ஒரே தீர்வாக தடுப்பூசியை ஊக்குவிப்பதன் மூலம், பொருளாதாரத்தை எது நடந்தாலும் திறந்த நிலையில் வைத்திருப்பதற்கான அதன் உந்துதலை அரசாங்கம் இரட்டிப்பாக்குகிறது.

இந்தியாவில் தொற்றுநோயைக் கட்டுப்படுத்த அரசாங்கம் விரும்புகிறது என ஒருவர் ஏற்றுக்கொண்டாலும் தடுப்பூசி ஏற்றுமதியை நிறுத்துவதற்கான அதன் பிற்போக்குத்தனமான தேசியவாத முடிவு ஒரு சுய தோல்வியாகும். தொற்றுநோய் என்பது பூகோளரீதியான நெருக்கடி ஆகும், இதற்கு பூகோளரீதியான தீர்வு தேவைப்படுகிறது. COVID-19 தேசிய எல்லைகளை மதிக்கவில்லை, மேலும் இது சர்வதேச அளவில் பரவுவதால் ஒவ்வொரு நாட்டிற்கும் தொடர்ந்து அச்சுறுத்தலாக இருக்கும்.

உலகின் பெரும்பான்மையான நாடுகளில் அதிக எண்ணிக்கையிலான மக்களுக்கு தடுப்பூசி போடத் தவறுவது வைரஸ் பரவலாக பரவுவதற்கான நிலைமைகளை மட்டுமே உருவாக்குகிறது, இது இந்திய அரசாங்கம் அதன் தேசிய எல்லைகளுக்குள் தொற்றுநோயை இறுதியாக கட்டுக்குள் கொண்டு வரும் முயற்சியில் அது மாறுதல் அடைவதற்கான வாய்ப்பு மற்றும் அது இப்போது நம்பியுள்ள தடுப்பூசிகளுக்கு எதிர்ப்பு காட்டுவதையும் சாத்தியமாக்கிறது.